متى يطيب الناس وتطيب الأوجاع

[عيدالعتيبي]

[align=center]

يسرني ويشرفني أن أنتمي لهذا المنتدى المميز بتميز أعضائه ...
وأحب أن أبدأ معكم بهذه القصيده التي أتمنى أن تحوز على إعجابكم ..


متى يطيب الناس وتطيب الأوجاع **** ويبرى مريض القلب من كل عله

[poem=font="Arial,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
دنيا عجاج وصاحب الفكر يرتاع=من خوف لا يخطي طريقٍ يدلّه
وتبدلت كل السوالف والأطباع=والسلم الأول حل سلم محلّه
وراحوا هل الشيمه قويين الأبتاع=اللي لهم في العلم عقده وحلّه
وخلّوا زمانٍ فيه ماكر وخدّاع=أهل القلوب السود والشّر كلّه
حاسد ونمام ٍ ومبغض وقطاع=وأهل الحكي والقول قلته وقلّه
اللي من الفرحه يطقون الأصباع=ويفرح ليا زلّ ابن عمّه بزلّه
ويبدي عليه إنّه من الوضع جزّاع=لكن في الداخل بلاوي وخلّه
واليا لقا له علم في ربع الأرباع=ينشر خميم العلم ساعة وصلّه
ويجيب صاع العلم في عشرة أصواع=ويردّده وإن كان محد ٍ فطنلّه
واليا جلس في مجلس ٍ صار قضاع=ثم حوّس المجلس بحكي ٍ يفلّه
يقضّفه من غير مقداه وأسناع=واليا طرا في خاطره علم هلّه
ويضربّها بأشكال وألوان وأنواع=مايدري إنّ الهرج ساس المذلّه
ثم جاوبه خبل ٍ شبيهه وقرقاع=هذا يمهّد خط وآخر يبلّه
واللي يبا له علم في السالفه ضاع=أحد ٍ يدفّ العلم وأحدٍ يتلّه
ثم عكّر المجلس كما قابي القاع=وضاقت صدور اللي بوسطه مملّه
ثم شانت الجلسه على طيب الناع=لو كان مايدري وش اللي حصلّه
ثم قال أنا في حلّبة هواش واصراع=والا وسط سوق ٍ وكل ٍ نزلّه
ثم جر ونّاتٍ ورى حدب الأضلاع=من طاري سنين ٍ قديمه طرلّه
يقطعك يا علم ٍ على غير ميقاع=اليا صار ما يارد على ماردلّه
ويقطعك يا رجل ٍ عن العزّ توّاع=إن كان قلبك يمّ ربعك تغلّه
ولا خير في رجل ٍ يدوّر للأدباع=ومن فرّق ربوعه عسى الله يشلّه
وبعض العرب في راسه أوهام وصداع=ولا له من المعقول والعرف بلّه
تكفخ به الأفكار والعقل منصاع=والحظ طايح والردى مسلكلّه
وقم يا سنايد عيد يا شبل الأسباع=واشعم لنا نار ٍ سناها يدلّه
في حزة ٍ فيها المخاليق هجّاع=والليل مقفي والفجر مرقبلّه
واحكر لنا اللي بنّها غال الأبياع=يبرد لهيب الصدر فنجال دلّه
مع صحبة اللي للنواميس جمّاع=اللي حداهم منطقه ما يزلّه
دين ورجوله صدق وصدور ٍ اوساع=وخويهم ما يونس الضيم للّه
خفاف النفوس مسلية كل ملاّع=أهل النقا والطيب دقه وجلّه
في رقرق ٍ عشبه من الوسم قد فاع=ستين ليله بارقه مافصلّه
عشبه على البيداء كما حقل زرّاع=كنّه زوال ٍ خضر في منظرلّه
هذي مناتي وغير ماليبها داع=كود الصلاه وملّة ٍ خير ملّه
متى يطيب النّاس وتطيب الأوجاع=ويبرى مريض القلب من كل علّه[/poem]
عيد بن عبدالرحمن الصفياني العتيبي
[/align]

[النـايــــــف]

هلا الله فيك اخوي عيد


وحياك الله بين اخوانك واخواتك


اعضاء ومشرفين شبكة قبيلة عتيبة


صح لسانك طال عمرك


ولا تحرمنا من قلمك المميز


تحياتي لك ،،،،،،،،


اخوك النـايــــــف

[عيدالعتيبي]

[align=center]النـايــــــف

الله يسلمك ويبارك فيك .. شرفتني بردك

وأتمنى أنه القصيده أعجبتك [/align]

[إبن ثعلي]

صح السانك ياعيد ما قصرت
تحياتي

[الداهوم]

بيض الله وجهك الاخ عيد علي القصيدة الرئعة

ولك تحياتي

[فهد العايضي]

صح لسانك مليون ياعيد

ولاهنت على هالجزله