قصة المثل المشهور اللي يبينا عيت النفس تبغيه

[بن مهدي]

[align=center]السلام عليكم ورحمة الله وبركاته

الكل يعرف البيت المشهور

اللي يبينا عيت النفس تبغيه **** واللي نبيه عيا البخت لايجيبه


هذا يا اخوان للشاعره نوره بنت علي بن حوشان بن دخيل الله الحوشان


كانت تعيش في مدينة الرس في القرن الثالث عشر تقريباً


وقد اشتهرت بالتحديث والشعر والكرم ورزانة العقل


وتزوجت من رجل يدعى عبود بن علي

وانجبت منه صبي اسمته حوشان على اسم والدها

وابنتان

ومع مرور الزمن والوقت انفصلت نوره عن زوجها عبود

وكما يبدو حدث الطلاق للمره الثالثه


بحيث انهم لايستطيعون العوده لبعضهم البعض مباشرة

كما ورد في الشرع


فأخذت اولادها وابقتهم معها في بلده قريبه


وكان الندم واضح عليهما لأنهما مازالا يحتفضان بجزء كبير من الحب

والدليل على ذلك انها رفضت الزواج بمن تقدمو لخطبتها


ومنهم رجل كبير بالسن وكان يلح عليها بالزواج وهي رافضه


وهو كذلك لم يفكر بأن يحضر زوجه غيرها


وعندما ذهبت بالقرب من مزرعة زوجها

واذ بها ترى نخيله والبئر واشياءه المبعثره في انحاء المزرعه


وتذكرت مامضى بينهم من مشاركه في كل حلو ومر

ولكنها لا تستطيع الذهاب اليه والتحدث معه

فقد كانت تراه في الطريق ولا تستطيع حتى رد التحيه عليه

فكانت تنزل رأسها وتكمل مسيرها صامته

وعندما اصبحت في مكان مرتفع ترقب به المزرعه

ارسلت ابنها وبناتها اليه

وقالت لابنها: اذهب بأخواتك الى والدكم

والقو عليه التحيه وابقو معه لبعض الوقت وعودو لي هنا انتظركم


وعند وصولهم عند والدهم واذ به تفاجاء بهم وبان الفرح عليه

بكل شده


ومكثو عنده يلعب معهم ويضحك ويطعمهم بيده


وبينما كانت ترقبهم من مرقبها قالت هذه القصيده


ياعين هلي صافي الدمع هليّه **** واذا قضى صافيه هاتي سريبه


ياعين شوفي زرع خلك وراعيه **** هذي ماعويلـــه وهذي قليبه


في مامضى ياما لـــرايه نماليه **** واليــــــوم جيتهم علينا صعيبه


ان مرني بالدرب ما اقدر احاكيه **** مصيبةٍ ياكبرها مــــــن مصيبه


اللي يبينا عيت النفــــس تبغيه **** واللي نبيه عيا البخت لايجيبـه
وسلامتكم

وبقي البيت الاخير مضرب للمثل

الى وقتنا الحاضر

واتمنى ان الموضوع يعجبكم ويسعدكم


ولكم مني كل الود


اخوكم بن مهدي

[/align]

[فهد العايضي]

الف الف شكر لك يابن مهدي

على هذه القصه والقصيده الرائعه

تقبل مني ازكى التحايا

[ابوسـعد]

[align=right]مشكور يابن مهدي على شعر الحوشانيه واذكر كان الناس يغنونه غناء سامري..كتاب السامري لأبن حمدان فيه مجموعة سامريات كانت هذه من ضمنهن....ويعطيك العافيه [/align]

[بن مهدي]

[align=center]هلا ومسهلا فيك اخوي الغريب


والرائع هو وجودك في موضوعي


ولك كل الود

اخوك بن مهدي[/align]

[بن مهدي]

هلا وغلا فيك اخوي ابوسعد


فعلاً القصيده هذي كانت تغنى في السامريات ولو لا السامريات لما انتشرت وعرفها الناس بعد كل هذه المده


فبذالك الوقت لم يكن هناك مؤرخون لمثل هذه الفنون



والف شكر على التواجد

ولك كل الود


اخوك بن مهدي

[جراح العتيبي]

بن مهدي


الله يعطيك مليون عافيه




والله اني اعرف انها لنوره الحوشان بس كنت

ابي اسمعها كامله



اشكرك على هالمعروف

[إبن ثعلي]

اختيار رائع يابن مهدي تشكر عليه
تحياتي

["الباشق"]

بن مهدي

الله يهينك على القصه الرائعه

اللي يبينا عيت النفــــس تبغيه **** واللي نبيه عيا البخت لايجيبـه

تحياتي

[بن مهدي]

[align=center]حياك الله يا جراح

انا سعيد بأني حققت لك شيء تتمناه


وان شالله تلقى كل


شيء زين في حياتك


ولك كل الود


اخوك بن مهدي[/align]

[بن مهدي]

[align=center]هلا ومسهلا فيك يابن ثعلي


ونورت الصفحه


وماقصرت


ولك كل الود


اخوك بن مهدي[/align]