حــنـــا عـتـيـبـه

[سامي العتيبي]

[poem=font="Simplified Arabic,5,darkblue,bold,normal" bkcolor="transparent" bkimage="../backgrounds/2.gif" border="double,6,sandybrown" type=2 line=0 align=center use=sp num="0,black"]
يالله لا تقطع رجا لقمة العيش= يا واحد ٍ بامرك حقوق المناشي


لي حاجة ٍ ما دارها كلّ غشيش= تطرد لذيذ النوم فوق الفراشي


مصيونة ٍ ما حورفوها الدّراويش= تلعب طرب ما بين هافي و واشي


منها حلوق القوم راحت معاطيش= ومنها وفيها صار يرجع معاشي


قالوا عليها الجند والخيل والجيش= قلت اسمعوا سلك العذاب متواشي


حتى ايش يا قوم التشاويش حتى ايش= انا على درب الوفا دوم ماشي


كم واحد ٍ صابه على العقل تشويش= يجزع من الايام والرّاس شاشي


تاتي علومه للأوادم تماريش= والخاتمه ما غير ترجع بلاشي


ما يدري انا ما نحبّ الغشاشيش= في راس ظبي ٍ ما لقي به عراشي


فرعون لو جت له كبار المطاريش= اغترّ في هامان شيخ العشاشي


ثم صار عبره مع كبار المناويش= واللّي رضي بالذلّ بالذلّ عاشي


ولا طاح من غرّ المزون الهتاهيش= لا يزدحم فالذود بكره وحاشي


ولا يفهم المعنى كبار الطرابيش= اللّي يزيّن في صورها الفلاشي


دقلاتنا تخضع لها سبّع الهيش= لكن بالله لا يطول النقاشي


حنا عتيبه نلطم الضدّ ونعيش= في عز لو تسهر سباع الحشاشي


ما همّنا سود الوجيه المخاييش= تنزل لهيب النار مثل الفراشي


لو ندمح الزلاّت ما نقبل الطّيش= وبرق العلوم اللّي وراها غباشي


اللّي تجي من لابسين الدّناديش= قوم الخنا وملبّدين الخياشي


هذا ودوك العلم يا معكّف الرّيش= اليا انتشى من بين الاضلاع ناشي


ما هو لحبّ اللّي تقض العكاريش= اللّي هواها يودع العقل غاشي


هذا بعد ما شفت بعض المخاريش= تهوش لو هي جات من غير جاشي


لكن يالله نطلبك لقمة العيش =يا واحد ٍ لامرك حقوق المناشي [/poem]






وسلااامتكمـ

[اشقر السيف]

دقلاتنا تخضع لها سبّع الهيش
لكن بالله لا يطول النقاشي
حنا عتيبه نلطم الضدّ ونعيش
في عز لو تسهر سباع الحشاشي


اول مشاركه لك ياسامي في هالمنتدى واهنيك عليها مشاركه جزله

صح لسااانك وبيض الله وجهك

تحياتي ومودتي

[عــمـــر]

[align=center]سااامي

صــح الســانك واعتلاا شانك

بيض الله وجهك




تحياتي[/align]

[ابن مسلم]

سااامي

صــح الســانك واعتلاا شانك

بيض الله وجهك




تحياتي

[سفير عنزه]

اول شين :

صح لسانك

ثاني شين :

بيض الله وجهك

ثالث شين :

ونعم بربعك العتبان وعز الله انهم يستاهلون

رابع شين :

الله لايحرمنا مشاركاتك الطيبه

خامس شين :

تقبل تحيات اخوك سفير عنزه

[جراح العتيبي]

سامي العتيبي



الف مليون مليار


صح لسانك


رائع بكل المقاييس




جزل جزل جزل



بارك الله فيك

[ناصر الحربي]

سامي العتيبي


صح لساانك يالجزل

ونعم فيك وبربعك وبكل من يستاهل النعم

تقبل مروري وكل التقدير

[عبدالله المرشدي]

سامي العتيبي



صح لسانك


وعلى شانك


كفو ماقصرت


وبيض الله وجهك

تحيتي

[بنت الشـيـوخ]

حنا عتيبه نلطم الضدّ ونعيش
في عز لو تسهر سباع الحشاشي
ما همّنا سود الوجيه المخاييش
تنزل لهيب النار مثل الفراشي
لو ندمح الزلاّت ما نقبل الطّيش
وبرق العلوم اللّي وراها غباشي
اللّي تجي من لابسين الدّناديش
قوم الخنا وملبّدين الخياشي


صح لسانك يالغلا

تقبل مروري

[الأديب]

صح لسانك ياسامي وبيض الله وجهك

القصيده جزله عهدي بك .


وحياك الله في منتدى رعك .