مراسلة بين الشاعرين الكبيرين محماس بن شميسان العضياني وعبدالله بن نايف بن عون الرويس

[أبو وافي]

[align=center]هذه القصيدة موجهة من الشاعر عبدالله بن نايف بن عون للشاعر محماس بن شميسان العضياني
[/align]
[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
ياليلةٍ قضيتها عند محماس =ماهيب عندي من حساب الليالي
قضيتها في مجلسٍ يرفع الراس= منصاً يرودونه شخوص الرجالي
على مباهيرٍ على النار جلاس =صفرٍ تعاقبها يدين العيالي
يعبا لها مارود صنعا بالاكياس =ويشرا لها الهندي ولو كان غالي
فنجالها يطرد عن البال هوجاس =لاقام يذرف مثل دم الغزالي
قد وصفه قبلي كثيرٍ من الناس =منهم ولد حامي عقاب التوالي
اللي بوصفه لاحسن الوصف لماس =غازي فدوه قصيرين الحبالي
ليلة عمر ماهيب تنقاس بقياس =ولاتنتقدر بالذهب والريالي
للشعر طلابه وللبن حماس =والعود الازرق له علينا ظلالي
بحضرة بني غازي وساير وغملاس =وابوفهد شامان نعم المجالي
وابن بجد وحسين عدمين الاجناس =ربعٍ منازلهم بروس العوالي
ومحمد بن دحيم مانيب اله ناس =طيب واعده واحدٍ من خوالي
واللي جمعنا جاره الله من الباس =في ليلةٍ غرا قمرها يلالي
اتلا الليال اللي طوى دونها الياس =الذ واغلا مايدور بخيالي
يالله عسى محماس وامثال محماس =في لوح ربي من طوال المهالي [/poem]

[align=center]رد الشاعر/ محماس بن شميسان العضياني [/align]
[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
للطيب من يمك يابن عون نسناس =وافي يابو نايف بكل الحوالي
ياطيب الرفقه وياطيب الساس =ياللي تحلا بالوصوف الجزالي
منه الوفا اللي تعتبر فيه نبراس =وعشق المزايا الساميه والمعالي
وافي والك في قمة الطيب مجلاس =ومن كل منهج معرفه لك منالي
ترقا سنود اليا اختفى كل هلاس =وتنفق ولو شان الدهر ماتبالي
شاعر وشعرك لاعذب الشعر مقياس =يوصف على عدٍ قراحٍ زلالي
عد الروى هداج ماهوب هساس =غير الرها شربه على الكبد حالي
والليله اللي تعتبر بين الاقواس =تاتختلف عنها لواني لحالي
فيها يبدد حسته كل حساس =بوجودكم ياهل اليمان الطوالي
واللي لسلسات الطواريق نواس =من جزلها مايلتفت للهزالي
اليا تعانق شعر غازي والاحساس =من الرها وصفه يفوق الخيالي
دنياك لذتها المواصل والاوناس =اليا استمرت بين ربعٍ غوالي
ربعٍ مجالسهم معزه ونوماس =ولمثلهم يرتاح بالك وبالي
ناخذ بها سجه قبل مخف الارماس =والانهاية كل شي الزوالي
يالله ياللي فالجسد تجري الانفاس = تكتب لنا التوفيق ياذا الجلالي
واسلم ودم بالخير ياطيب الساس =وافي ولله الوفا والكمالي [/poem]

[حنين الماضي]

صح لسان شاعرها ولا هان

وسلمت على نقلك المميز الذي ينم عن ذائقه مميزه

تحياتي إلك

[عــمـــر]

[align=center]صح السان الشاعر

ومشكور على النقل الرائع






تحياتي[/align]

[الشامخه]

القــديـــر .. ابو وافـي ..

نقل مميز وراقي ..

يعطيك العافيه ..

لك راقى التحايا ..

الشامخهـ ..

[الحصان]

علمين من اعلام عتيبة ومن عمالقة الشعرالشعبي ليسوا بحاجة لشهادة شاعر اوناقد ة او غيرذلك وبيض الله وجهك ياابو وافي على إرادك هذه القصائد

وتقبل تحياتي

[القوبع العضياني]

يعطيك العافيه اخوي ابو وافي وبيض الله وجهك على هذا الطرح الراقي

وصح لسان الشاعرين الكبيرين محماس بن شميسان العضياني

وعبدالله بن عون الرويس بالفعل هم من اعلام الشعر

وليسوا بحاجه لاشاده من احد

[الرومنسي]

[align=center]صح لسانك ولسان شاعرها ..[/align]
[align=center]واختيار رائع وجميل ..[/align]

[align=center]يعطيك العافيه ..[/align]

[align=center]لك ارقى التحايا ..[/align]