الناس غيّر جديد الوقت مذهبهـا

[ولد غابي]

[poem=font="Simplified Arabic,5,white,bold,italic" bkcolor="transparent" bkimage="backgrounds/22.gif" border="outset,4,orange" type=0 line=0 align=center use=ex num="0,black"]
بسم الذي محصي الأفلاك حاسبهـا=الواحد الخالـق الـرزاق والوالـي
نبدا بذكره حروف القيـل نكتبهـا=ونفصّل أبيات للأصحاب تفصالـي
ونعد ماصـار بالأمثـال نضربهـا=تذكار بالصاحب المـزاح وأمثالـي
الصاحب اللي غدر برجال صاحبها=ماعاد ميّز سمين الفعل واهزالـي
طاوع هوى نفسه القشرا ولاعبها=والنفس تأمر بسو ألوان وأشكالـي
ليته ردع نفسه السيـه وحاسبهـا=وفكر بمخراج حاله قبـل مدخالـي
الرجـل لابـد مايعـرف عواقبهـا=ويحسب حسابه بأمور مالها تالـي
ويقيس قبل الغطس وش بعد جانبها=يازن ولاينقص الميـزان مثقالـي
واليا شرا سلعة من عنـد جالبهـا=يوفي ثمنهـا ولا يحتـال بريالـي
واليا جلـب سلعـة دوّر لطالبهـا=يأخذ ثمنها لاصار البيع في الحالي
الناس غيّر جديد الوقـت مذهبهـا=صار الردي عندهم من عد الأبطالي
وعاداتهم وقتنـا عكّـر مشاربهـا=هزّ أرضهم طبعهم وأمست بزلزالي
وأعود للي سرق خلفـه وعذبهـا=عقب أصطبح شاتها ياناس بنعالي
ماقدّر أنعـام ربـي هـان جانبهـا=ماكرّم أم الشمايـل قدرهـا عالـي
والله لو أقضبـه ليديـه أشذبهـا=وأقطع يمينه من المفصل ولا اسالي
وأفـرّ رجليـه للغـارب وأعقبهـا=وآطا على صابره وأكويه بالصالي
تكفى يابو ناصرأشرحلي سبايبهـا=ليش العرب تنكر الأحسان وافضالي
يابن الصليبي عساك اليوم طيبهـا=من يقضي الدين للديـان ميبالـي
يامحمد أنته سند من قـام يجذبهـا=دلون تصافق على مطوية الجالـي
وأسلم ودملي عدد ماخـط كاتبهـا=واعداد ماهلـت الأمـزان همالـي


سفر بن مشعان الغبيوي [/poem]

[إبن ثعلي]

صح السانك ياولد غابي قصيده رائعه
تحياتي

[فهد العايضي]

صح لسانك ياولدغابي قصيده جزله

[أبو رديعه]

صح لسانك 000 لاهنت

[عبدالله]

[align=center]السلام عليكم ورحمة الله ,,

الناس غيّر جديد الوقـت مذهبهـا ** صار الردي عندهم من عد الأبطالي

وانا اشهد ,,

دااام عزك ,, وداام حسك يالغاالي ,,

قصيده جزله ,,

ماقصرت ياولد الاحرار ,,

العتيبي ,, [/align]

[KING-SIZE]

صح لسانك وقصيده معبره وبالتوفيق

[ولد غابي]

أشكر للجميع مرورهم والكلمات الطيبة المعبره

مع تحياتي لكم جميعا

أبو طلال

[ولد غابي]

راحت القصيد وأختفت من الواجهه ،، قلت أرفعها حتى تأخذ نصيبها من القراءة

مع تحياتي

[حسام هوازن]

لله درك يـــــــ ولد غابي


على هذه الابيات الجميلة

تحية طيبة لك

[ولد غابي]

أشكرك ياحسام هوازن على كلماتك الطيبه ،، وأشكر لك مرورك ،، وأتمنى أن يكون ماأكتبه في منتدانا قد نال أعجابكم وبالتوفيق

مع تحياتي