قصيدة مشهورة لشاعر هوازن

[العفار]

[align=center]قصيدة مشهورة لشاعر هوازن الشاعر الكبير عبدالرحمن العطاوي
مباركاً للفريق /محمد بن بن هلال المطيري بمناسبة شراءه للأبل[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مبروك يامحمد شراك المجاهيم = جرد الرقاب اللي سواة النعايم
حرش الجنوب إمشرهفاتٍ مراديم = سمح الوجيه مسلهباتٍ جسايم
سودٍ على البيدا طرفهن كما الغيم=عزل العقيد اللي تقلد عمايم
إليا شعوهن مبعدين المهازيم=وإستثمنن مابين بايع وسايم
وبانت فعول اللي عليهن مغاريم =وخلي ثمنهن للطيور الحوايم
البل لها حقن على كل صمصيم=شرواك يومنك عن الدون شايم
طير الفلاح اللي كفوفه ملاحيم=إليا هد صيده من كبار الغنايم
وباكر ليا بكر من الوسم توسيم=ودلو الثريا طاح منها هدايم
وجاوب فصيل الهرش حس الروازيم =وشفت أول بكار المشاتي تسايم
وعلى الموارد زاملن جازي الريم=وراحن على طرد الوسامي قسايم
هذي تحطم للمقاهير وتهيم = وهذي تناوا للجنب بالهزايم
وهذي ملاقيةٍ تخفق الخواريم=وهذي معشر راسها راس عايم
وجالك من الرعيان رد المعاليم=ليا قالوا الصمان بالنبت قايم
ترعا طنف نبت الفياض المكاميم=وعلى الفياح من الشقارا لمايم
وزانت مظاهيرك لهاك السلاجيم=اللي لهن حول المقوّم رزايم
وعزمت لك ربع ٍ لشوفك مظاريم=وزمّت لكم هاك العصور القدايم
وجذعانهن واللي للأثنا مداريم=راحن عقاير للمسير ولايم
وسعد السعود مصدقٍ والمطر ديم =وضيِع ولدها فالزهور الزمايم
وعن الفياض اللي كلاها مباشيم = قامت تساق مع الحجر والخرايم
تفرح إليا غاضت كلاها مهاضيم=عقب القفور الي نفلها بطايم
وراع الرصيد اللي يحفض الملاليم=ليا شافها كثرت عليه الهضايم
البل رصيد اللي عليها قواديم = وألا الضعيف لمثلها مايلايم[/poem]

[إبن ثعلي]

مشكور يالعفار على حسن الاختيار
تحياتي

[فهد العايضي]

صح لسانك يالعفار ولسان الشاعر الكبير العطاوي

ولاهنت على النقل


تقبل مني كل جزيل الشكر

[فهد العصيمي]

يعطيك العافيه على القصيده الرائعه وحسن الاختيار يالعفار واتمنى منك اكثر تقبل فائق احترامي اخوك\ فهد العصيمي .

[حسام هوازن]

صح لسانك

يــ العفار

ولاهنت على النقل لشاعر هوازن

[** راس حربه **]

صح السان الشاعر عبدالرحمن العطاوي

ولاهنت يالعفار على حسن الاختيار

والى الامام دائما

دمت كما تحب

[الحصان]

صح لسانك ولسان العطاوي و ابن هلال يستاهل المدح

[منصور الشيباني]

صح لسانك يالعفار ولسان شاعرها

ولا هنت على النقل

تحياتي