[frame="7 80"]قال الذي في بدع الامثال ما تـاه
*** ينقى غرايبـهـن على كيف باله
في راس رجم نايف العصر عداه
*** رجم يهيض من عـنا لـه وجاله
مذروب ملموم القرى عسر مرقاه
*** وراع الهواء المعتـاد قـبل يعناله
من ضيقة بالصدر يوم اني انصاه
*** غزير دمع العـيـن لجـة محاله
بسباب غرو ارهــاف ثنايـاه
*** وغض غضيض وطايل في جماله
ودرب الهواء ما فيه منقـود ادراه
*** من دور بشر اليا عزيز ابن خاله
بشر من الزهاد وادنت منايــاه
*** وعزيز ذاق الموت بـسباب خاله
ولا ليم قبلي نمر عدت سوايــاه
*** وابن ربـيـعه يــوم تذكر فعاله
ومحمد القاضي ومحسن وشرواه
*** ومجـنـون لـيلا يوم صلع اهباله
بسباب من كفه زها نقش حــناه
*** والخـد بـراق صبـيب اخـياله
انا لاك الله بالهواء ذقـت ما جاه
*** وبـسبابـها قلبي غثى البين شاله
واجض قلبي جض دلـو المدلاه
*** غـرب ثـقيل يوم تنهض ارحاله
على زعاع يوم تـــارد وتملاه
*** وتـقفي تموح ويلطم الغرب جاله
توهفه سنجور حـيف ابمطواه
*** بـت الرشى والغرب عود الحاله
رقى ارشاها وغربها عـود الماه
*** وفذ السريـح بجذتـه وانـتلا له
على وليف ماهقيت اسقــم ابلاه
*** ولا هـقـيت القلب يرضى بداله
ولاهقيت القلب يطرب ابــلا ماه
*** رغم طـواه اليأس واعزتـالـه
وجدي عليها وجد من يبسة اشفاه
*** وبلال تـيـه مارده حضـو باله
تاه الطريق وحروة الجو ما جاه
*** وعزاه ما حولـه صديـق صفاله
وتالي كلامه قولـته وا حلولاه
*** يا ويل من فـارق اعـياله وماله
ولا كامل الشـهـادة الامر لله
*** يمناه بالصـفـقـه تـعلت شماله
على وليف صار للنـفـس مشهاه
*** هو شـف بـالي قبل تعسر احباله
ان كان هو مثلي فلا والله انـساه
*** لو زادة أيـام الـدهـر مع ليـاله
وان كان هو مقفي فلا نـي ولياه
*** المقـفـي اقـفي عنه ماني بحاله
واطلق ارشى من صد عني بيمناه
*** اليا خـبـث المشروب شي عناله
هذا كلام اللـي بالامـثال ما تاه
*** يـنـقى غـرايبهن على كيف باله[/frame]
[align=center]
الـشـاعـر / سويلم بن عـلـي الـسـهـلـي[/align]
| 
|
09-22-2006, 11:24 AM
المواضيع المتشابهه
العرض العادي
