[poem=font="Simplified Arabic,5,black,bold,normal" bkcolor="transparent" bkimage="backgrounds/19.gif" border="double,4,gray" type=0 line=0 align=center use=ex num="0,black"]
إذا لك شف في شوفي تراني=على شوفتك صحيت الاماني
زرعت الشوق كله بأنتظارك=واخذت الانتظار وجيت اعاني
نسيت الناس لكن مانسيتك=عجزت انساك حتى لو ثواني
مليت الكون واشغلت الجوارح=نظر عيني سماع أذني لساني
عطيتك شي ماهو عند غيرك=ولا قصرت لكنك أناني
انا أحبك وإذا ودك تأكد=شف الله كيف بيدينك هداني
غيابك صعب؟والأصعب وجودك؟=وانا فالحالتين أتعب وأعاني
حبيبي لا تواخذني ولكن=أبيك تحط نفسك في مكاني
إذا جيتك وانا مشتاق تقفي=تجاهلني وكنك ماتراني
واذا صديت عنك وقلت ابرحل=وقف قلبك على الباب ودعاني
ولو سويت نفسي ما اشوفك= يميل القلب صوبك ويحداني
أنا يابن الحلال اصعب حكايه=كتبني الوقت لكن ما قراني
مضى عمري وتقدر تعتبرني=غريب وفي زمن ماهو زماني
زماني راح مع نصفي ونصفي=نسى نفسه مع الوقت ونساني
أسافر حزن والصحبه ثلاثه=انا والصبر وسهيل اليماني
واذا مريت لبلاد الطفوله=فتحت الصدر للحزن وطواني
هنا دمعه جرت من عين جاهل=هنا لاقيت همي ولتقاني
هنا باعتني الديره واهلها=هنا ضحيت لفلان وجفاني
هنا حاولت اصيح ولاسمعني=سوى بعض الشوارع والمواني
أنا ياسيدي دقه قديمه=بغيت اخذ من الوقت وخذاني
على الأنقاض واقف دون حيله=اشوفك وجهتي بين المواني
تعال وطف بيدينك حنيني=تملكني وانا اشعل لك حناني
تعال وضمني يا تاج قلبي=دخيلك لا تخليني عشاني
انا شاعر عيونك ياحبيبي=مع التحريف في بعض المعاني
وما نيل المطالب بالتمني=ولكن شوفتك كل الآماني
محبة صادق النيه قصايد=ومحبة ساقط النيه أغاني
قسم بالله لو موتي بيدك=وأموت الفين مره ماكفاني
اذا باقي من الطلقات طلقه=دخيلك حطها بين المحاني
وسـلامـتـكـم!!
اتمنى تـنال رضاكم[/poem]
| 
|
09-12-2006, 11:26 PM
العرض العادي
