قصيدة رائعة لشاعر الحكمة رشيد الزلامي

[أبو غازي]

[align=center]هذه قصيدة رائعة جداً للشاعر رشيد الزلامي أرجوا أن تنال إعجابكم [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الوقـت يامقـسـى عـنـاه وعـذابـه "
" حطـاب ليـل ولـه معاويـن وفـزوع

احد (ن) منـه يمكـن يعالـج صوابـه "
" واحد (ن) يموت بعلته مـوت جربـوع

يروح مثـل مقـاط محـد (ن) درابـه "
" لاحبـل يرقـى ولاصـوت مسـمـوع

بغـى يجيـب رشـاه ورشـاه جـابـه "
" مـن عالـي الشفـه على ضربـه الـكـوع

هـذاه مقـاط اللـى ارشـاه التـوابـه "
" واصبح مثل للناس فـي كـل موضـوع

قصـه مـقـاط وقصـتـى ماتشـابـه "
" اسباب وقـت وكـل قصـه لهـا نـوع

مقـاط صفـى فـي زمانـه حسـابـه "
" وانا بلشت في وقـت طامـع ومطمـوع

كم واحـد (ن) وقـت اللـزوم تهقابـه "
" واليـا نصيتـه غيـر الطبـع بطبـوع

والصاحب اللى صحبتـه ضحـك نابـه "
" يبينى ابقى لـه علـى الـدوم مـزروع

ان شـاف وجهـي قـال يامرحبـابـه "
" وان غبت ينسانى علـى راس الاسبـوع

واليـا نسانـى منهـو حظـره جنابـه "
" انسـاه واجعـل دونـه الخـط مقطـوع

وعيب (ن) عليـه كـان طقيـت بابـه "
" لونى امسي بالخـلا ميـت (ن) جـوع

من خلـقـه الدنـيـا تـجـوع الذيـابـه "
" بس المهـم تعيـش والـراس مرفـوع

وتكسـب بعـز النفـس قـدر ورحابـه "
" وتمشى على خط (ن) سليم (ن) ومشروع[/poem]


للشاعر / رشيد الزلامي

[برقاوي هواوي]

صــح لسانك اخوي ابو غازي وصـح لسان قايلها وبيض الله وجهك على النقل الرائع

[اخو من طاع الله]

صح لسانك يا ابو غازي ومشكور على النقل الرائع واسمحلنا نسقت القصيده بهذا الشكل المتواضع

[أبو غازي]

شكراً أخوي برقاوي هواوي وأخوي عبدالله الحافي على هذا المرور

[مخاوي النشامى]

أبو غازي
سلمت يمناك على نقل الجزل من القصائد
وصح لسانك ولسان قائلها رشيد الزلامي

[إبن ثعلي]

تسلم يابو غازي على اتحافنا بهذه القصيدة الرائعه للشاعر رشيد الرزلامي
تحياتي

[محمد العتيبي]

أبوغازي

تسلم على الاختيار الجيد ويعطيك العافيه.

وعيـب (ن) عليـه كـان طقيـت بابـه "
" لونى امسـي بالخـلا ميـت (ن) جـوع
مـن خلقـه الدنيـا تـجـوع الذيـابـه "
" بس المهـم تعيـش والـراس مرفـوع

تحياتي لك

[نايف الباديه]

صح الساانك اخوووى

القصيده روعه ,,,, صح السان من قالها وتسلم يمينه