ذباحـة الحايـل لمـن طـاب فالـه *** ولطامة العايـل بمـاص النواتيـش

[تركي الشيخ]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الاخوة الكرام جميعا

السلام عليكم ورحمة الله وبركاته

اليكم هذه القصيدة للشاعر


زيد بن مبشر الحصني الحربي


هذه القصيدة رد ثنا بالأخ عجاب بن فرج الحنتوشي
ولهذه القصيده سالفة اجمل منها

لعل الأبيات تبينهـا [/poem]




[poem=font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نبـا نسيـر يــم راع الجمـالـه = من روس ربعٍ للجمايـل مداهيـش
عجـاب روقـي والسوالـم خوالـه = ربعي خوالـه والعمـام الحناتيـش
من معجـزة عجـاب فعلـه بخالـه = يوم الامل فلّت بيد غـازي الريـش
نصاه والحمـل الثقيـل ارتكـى لـه = وقال ان عجزت اشيلها عنك ماعيش
خلص عن المديون من حـر مالـه = مـدة غبينـي مالحقهـا مطاريـش
والله لاثنـي كـل ماجـاء مجـالـه = لو يزعلون اهل الخشوم المطانيـش
ما قولها ابغـى كـاش والا كفالـه = عليَّه ابغض من نقـاش المناقيـش
مابه جميـل بـدون جهـد وعبالـه = ومكارم الاخلاق تنفى هـل الطيـش
وعد الثنى يستاهله من سعـى لـه = بقول وفعل مايهمّش المدح تهميـش
عجـاب واخوانـه رجـال الجزالـه = عندي دليل ان صار بالمدح تفتيـش
ذباحـة الحايـل لمـن طـاب فالـه = ولطامة العايـل بمـاص النواتيـش
وإلا الردي بالمجتمـع شبـه عالـه = يحسب حسابه من حساب الدراويـش
مايجتمع بالشخـص طيـب ونذالـه = والظبي راسه مالقوا بـه عراميـش
واللي صديقـه فـي حياتـه ريالـه = كلمة هلا ويامرحبا به علـى ويـش
ضعـاف العقـول يلبسونـه نعالـه = وسموه باسم حصان لو انه كديـش
المـال مـاعـزز ردي الاصـالـه = والقـل مانقـص مقـام المداغيـش
عسى السحاب اللي صـدوق خيالـه = تبكـي عقابـه والقدايـم مراهيـش
يامـر مكاييلـه عظيـم الجـلالـه = من العصر لين يبين نور المغابيـش
عشـر ليالـي والمطـر ذي حالـه = بمرتع مجاهيم وبرهـن عكاريـش
يندب لهـن عجـاب مكـرم دلالـه = بالهيل مع بـن اليمـن للمعاطيـش
ورثة جدوده من عصـور الجهالـه = يوم الرمح والسيف والخيل والجيـش
واليوم نمشـي تحـت ظـل العدالـه = اشمل شمال طريف واجنب وراء بيش
وبالمحوري عقب الرشـا والمحالـه = صارت مظامي نجد هي مصدر العيش
ومـاقـل دل ولانـحـب الاطـالـه = تمت وصلى الله على صفوة قريـش
الهادي الصـادق بصـدق الرسالـه = وحيٍ من المعبود مافيـه تغشيـش[/poem]




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الـشـاعـر/ زيـد مـبــشــر الحصني الحربي


تقبوا تحياااااااااااااااااااتي[/poem]

[فواز الشيباني]

صح السانك والسان الشاعر

يعطيك العافيه على الاختيار الرائع

ولاهنت

[اخو من طاع الله]

صح لسانك يا تركي ولا هنت على النقل الراااائع

الله يعطيك العافيه

[الجافي]

صح السانك والسان الشاعر

يعطيك العافيه على الاختيار الرائع

ولاهنت

[مخاوي النشامى]

صح لسانك أخوي تركي
ولسان الشاعرزيدالحربي

[شيـخة]

صح السان قايلها ..

وتسلم على هالذوق الحلو في الاختيار ..

تحياتي ..,,

[تركي الشيخ]

الاخ فواز الشيباني

صح بدنك وتسلم على ردك وتعليقك الرائع

[تركي الشيخ]

الاخ عبد الله الحافي

صح بدنك وتسلم على مرورك ودرك الرائع

تحيااااااااااااااااااااتي

[النـايــــــف]

صح لسانك اخوي تركي الشيخ



وصح لسان الشاعر زيد الحربي


وبيض الله وجهك يا الغالي


على هذا الاختيار الرائع


تحياتي لك ،،،،

[النخيش]

صح السانك والسان الشاعر

يعطيك العافيه على الاختيار الرائع