(( ديوان الألغـاز ))

[{ أبوفيصل }]

انشدك عن رجال يضعف ويهزل
ولْيا مضى له عام يرجع فِتوَّه

ياطا ثلاث ويِكْرِم النَّزْل ويَجزِل
و بهيبته ....... يمرهن ما تِموّه

ماهوب في مهْجر ومنئَآ ومعزل
لو كان عمره.. قبل عصر النبوّه

[{ أبوفيصل }]

يا ويش رجلٍٍ كلّ منا يشوفه
والناس من واجبهم يقدرونه

الشهم واللي فيه خير ومروفه
حتى ترى الوافين ما يجهلونه

في جانبه بنتٍٍ تبيِّن وصوفه
دايم وهي حوله على ساق دونه

[{ أبوفيصل }]

يا لغزي اللي بالذهب والماس/ من لا يثمن قيمِتِك خله

وانتم على راسي ومِن هالراس/ لأجيب لغزٍٍ معتمد كله

بنشد عن بنتٍٍ راقيه ياناس/لأنس وْلاهي جِن بسم الله

بنتٍٍ في هالبلد وِهِي بالساس/ هذا بلدها اللي على مِله

لها خواتٍٍ بالدول وأجناس/ وِلكلّ بنتٍٍ دار تحتله

تحتل موقعٍٍ لها حساس/ وتجيب لك علمٍٍ على حِله

[{ أبوفيصل }]

حصلت لي بنتن شناح وعنقها طول الذراع
إليا انكشف لك ساقها يبِيِِن حِدب إضلوعها

مثل الورود اليانعه تُطوُل حسب الارتفاع
فستانها من فوق هامة راسها وفروعها

[{ أبوفيصل }]

(عذرىً ) لادوَّروا لَها ما لقوها
كم واحدن دوَّر لَها ما وجدها

(بالكلمتين الدارجه) ضيَّعوها
ماندري لو في هالبلد نفتقدها

[{ أبوفيصل }]

(بنتٍٍ) لقومٍٍ ما ندانيها
أغراب عنا ما نحادثها

إلْيا نويت أخلف معانيها
وبدَّلت ( ثانيها ) بثالثها

تصبح بحاضرها وماضيها
واعصور والعرب توارثها

[إبن ثعلي]

ابوعبدالرحمن اللي هنا فقط ألالغاز الخاصه بالديوان .
واللغز اللي انت رمعته تم تنزيله لك وللجميع


اللغز لو حاولت تكسر جناحه
سهلٍٍ علَيْ أبنيه لا جاد معناه

يجيك من فكرٍٍِ يجيد السباحه
ما ظن تاصل سِرٍه اللي دفناه

واللي يجرِّد فوق لغزي سلاحه
حنا على سرد القوافي حملناه

ابوفيصل

[{ أبوفيصل }]

لغزٍٍِ بدعته كيف ما جيت به جا
والحل عند أهل العقول النبيهه

رجلٍٍِ ماعن منحاه منجا وملجا
إليا عكسته رجل وافَق شبيهه

[{ أبوفيصل }]

اللغز من باب الفكاهه
طرحته في قالب فكاهي

رجل ومره بأرض ونفاهه
في مفترق درب ومتاهي

بالهون يمشون بنزاهه
ماهو بخطوات التباهي

وقال لها بعد المتاهه
كلن له وِجهَه وإتجاهي

( كنه يعلِّم ) ( بإتجاهه )
ويعرِّف بسمه وإسمها هي

..

[{ أبوفيصل }]

سوَّيْت لي لغزٍٍ مشده على طوط
لغز ن يخلِّي كاسل الفكر ينشط

ويحرك الأفكار تحريك مضبوط
ومنبّه الشعار في آآآآآخره طط

وِشْهُو سِمِي اللي بلا درب وخطوط
يشتال حمله لو رسى به على شط

يافِكْرتي وشلون ينقاد مربوط
يمشي بقيد وفوق قيده مربّط

: