ياصح كف النصح بعد الوشايه

[عيد بن شده]

ياصح كف النصح بعد الوشايه
ترا العرب ياصاحبي عالم الضاد

لاتحسب انك للوادم مرايه
انته كما الجاسوس بديار الاوغاد

حذر تحمل يارفيقي خطايه
شيد صداقه كنها قلعة جياد

وان كان شف البال تبحث خفايه
كم واحدٍ من هقوت النفس مافاد

هرج القفا ياصاح ماله نهايه
احذر تصدق زيد وعبيد وعناد

وان كان عندك يارفيقي جبايه
عن هفوتك ياصاح ماني بنشاد

شاعر نبط ماني بشاعر دعايه
والمدح والله مرغبه يابن الاجواد

وان جيت بالميدان دون اقربايه
فتلتها غصبٍ على كل نقاد

انحت صخر وبني نوادر بنايه
نوادرٍ يبحل بها كل قصاد

عوصٍ مع المنهاج غاية منايه
ترد العدود اليا كبا كل وراد

وختم كلامي بالوفاء والهدايه
وعلى النبي صليت مليون يازياد


عيد بجاد بن شده

[إبن ثعلي]

صح السانك يابن شدة ولا هنت
على هذه القصيدة الرائعه

[عبدالعزيز بن حشيان]

ابو فهد


صح لسانك يالنشمي تقبل مروري

[عيد بن شده]

الاخوه الكرام صحت ابدانكم جميع