رشيد قلبي يسجنه هناديبه

[عيد بن شده]

رشيد قلبي يسجنه هناديبه
درهم به الهم والهوجاس درهامي

درهام هجنٍ سروا به روقة عتيبه
مع غيبة الشمس حثوهن بالاقدامي

عطوا بهن سرمدينٍ عاوين ذيبه
بين الجياسر وريك وخشم الاكوامي

اللي عليهن رجال العرف والهيبه
ماوركوا بالاشده ناسٍ اقزامي

تنحرن شولقٍ بانت مضاريبه
عقيد قومٍ يريخ رؤس الاخصامي

اهل النضى نوخوهن مع معازيبه
وانا هواجيس قلبي صارت اقسامي

على الذي يارشيد فراقه مصيبه
رمز المعاني غدابه كل ضرغامي

اغلق عليها ولد بقعاء لواليبه
وعيا المعلم يخط برؤس الاقلامي

عيد بجاد بن شده

[إبن ثعلي]

صح السانك يابن شده ولاهنت على اهدائنا
هذه الرائعه من روائعك المعتاده
وتحياتي لك

[عيد بن شده]

لاهنت يابن ثعلي وصح بدنك