الوجدانيه

[عبدالعزيز بن حشيان]

اخواني يسعدكم ربي هذه بويتات تعبر عن نفسها

ارجو ان تنال بعض من استحسانكم


[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياوجد حالي وجود مصلح الذودي=الي نياقه غدت واليل ممسيها
تعرضت لسريع الفجرعرجودي=وخيارهن اصبح السقس متوطيها
او وجد منهو قعدله كل مقرودي=والعين حق وكلام الله مزكيها
صدفه ولاكل صدفه تحمل الفودي=النقص وارد وهي من حض راعيها
هديتاً جت من الله عند محسودي=فرح بها واخر الامر ابتلش فيها
بندق به الي عيونه تقل بارودي=وشهق شهقتاً من اقصا القلب راميها
وياالله انا طالبك ياخير معبودي=احضوضنا من عيون الحسد تحميها
راحت علينا وحنا نطلب الزودي=جرادتاً بين طابخها وشاويها
[/poem]

[اصايل]

الله يكفينا شر الحسد والعين

والله يعوض على صاحبها

صح لسانك ..!

[عبدالعزيز بن حشيان]

المشاركة الأصلية كتبت بواسطة اصايل الله يكفينا شر الحسد والعين والله يعوض على صاحبها صح لسانك ..!

اصايل


صح بدنك يالنشمية اسعدني مرورك الرائع

[إبن ثعلي]

تعرضـت لسيـع الفجرعـرجـودي

صح السانك ياعبد العزيز لكن شطر البيت المقتبس يتهيأ لي ان فيه خطأ مطبعي
وتحياتي لك

[عبدالعزيز بن حشيان]

ابن ثعلي

صح بدنك والله لايهينك على المرور الرائع وفعلاً فيه خطاء مطبعي ولانتبهت الاء منك

اشكرك كثير الشكر وكل عام وانت بخير وتقبل الله صيامك وقيامك وجميع المسلمين

[بنت هبس]

الله يعطيكم العافية

[عبدالعزيز بن حشيان]

المشاركة الأصلية كتبت بواسطة بنت هبس الله يعطيكم العافية

بنت هبس

صح بدنك اشكرك كثير الشكر

[بكرحسن]

الله يذود ويش لون الذود الله يحقظك؟

[عبدالعزيز بن حشيان]

المشاركة الأصلية كتبت بواسطة بكرحسن الله يذود ويش لون الذود الله يحقظك؟

بكر


الذود بزود والحمد لاالله

[عيد بن شده]

لاهنت وبيض الله وجهك وتسلم