الغزال

[الفلاح]

الغزال



يا سعد يا خوي كيف اسوي بالغزال؟

كلما غمضت عيني طيفه لاح

لاتقول انساه ... هذا من قِسْم المحال

سيد الغيد ما توفيه.. بل زين الملاح

أطاوعك بكل شيء إلا ذا المجال

أرجوك لاتحرجني ... ياطير الفلاح

كلما أتذكره ..مني الدمع سال

لحظ عينه ذبحني.. ياهو من سلاح

إذا لبس الفستان وخذ خطوة وجال

يفتن الواحد ولو من أهل الصلاح

كيف بي وانا اللي متردد وذال

أكيد فتني وخذ عقلي وراح

بقلمي / الفلاح

[الوسيم]

يالا لا يالا لا لا يا لا لا
وصح لسانك ياخونا الفلاح

[الفلاح]

تحيتي الوسيم

أُريد نقد القصيدة وبيان ما فيها من خلل لكي أستفيد

واتلافى السلبيات واتعلم فهي محاولات وبدايات.

[{ أبوفيصل }]

صح لسانك يالفلاح على كل حال

جيت أحدد لك مواطن الخلل في الأبيات عندك لقيت كل شطرٍ على بحر
ومادام هذا أول طرحك جميل ولكن على ما يقولون أول البوح انثره

لايهمك فالبدايه كنت مثلك مع كثر الفلوق والطقوق والكدمات اقوم واطيح
لين تجاوزت العوايق وتعديتها لله الحمد وصرت اكتب الألغاز بعد

[الوسيم]

السلام عليكم من وجهه نظري القصيدة فيها كسور واطرافها متملخه
وراح يمرك مامر العطاوي وان شاء الله نراك من كبار شعراء هذا الموقع
ومنتدى عتيبه به شعراء بيفيدونك اكثر وتحياتي لك

[الفلاح]

من هنا بداية التصحيح

سئمنا صح لسانك وسلم بنانك

ياليت توضحون هكذا....... الشطر الفلاني قلت هكذا

والصواب أن تقول .......الفائدة والتغيير للأفضل مطلب

تحيتي يالعطاوي والوسيم...... لن أزعل لأن النقد هنا لعمل

بعيد عن شخصية الكاتب..........بس حلوة أطرافها متملخة هههههه

[إبن ثعلي]

ياسلام عليك يالفلاح افكار ومحاوله جيده وهذا تعديل بسيط على الوزن فقط

الغزال



يا سعد يا خوي انا كيف اسوي بالغزال؟

كلما غمضت طيفه على عينيي لاح

لاتقول انساه ... هذا قِسْم بالله محال

سيد للغيد كله حلا زين الملاح

ودي أطاوعك ياكود في هذا المجال

لاتسبب لي حرج فيه ياطير الفلاح

كلما أتذكره دمع.عيني منه سال

لحظ عينه يذبح العاشقين بلا سلاح

وان مشى باللبس خطوة وراء خطوة وجال

يفتن الواحد ولو كان من أهل الصلاح

كيف بي وانا حياوي و متردد وذال

اشتكي لك عقب ما شال لي عقلي وراح

[الفلاح]

شكري وتقديري مديرنا العام

تعديلات راقت لي سأستفيد منها

تحيتي.