لغز للجميع ( محلول من قِبل ابن ثعلي ) صح لسانه

[{ أبوفيصل }]

السلام عليكم ورحمة الله وبركاته
.
[poem=font="simplified arabic,6,black,normal,normal" bkcolor="transparent" bkimage="backgrounds/15.gif" border="solid,1,black" type=1 line=0 align=center use=ex num="0,black""]
ياهاجسي وقّف على حيلك وقم =عطني جزيل اللغز واحكم معانيه
ياويش رجلٍ يمشي الدرب ويتم =رجلٍ على جمع الفريقين قاديه
اللي يمين الدرب ويسار ينضم =ويضمّ له جمعين حزة تلاقيه
ولْيا نزل عوَّد على كل ملتم =ويفرّق الصفين باَااخر تواليه
[/poem]


^
االعطـاااوي

.
.
.

[همس النسيم]

وعليكم السلام
حياك الله يالعطاوي وهلا بك وبلغزك
إلا اني ماراح أحله لأنك ماذكرتني
مثل ماذكرت الربع القروم





ترى أمزح معك
وصح لسانك وتسلم وجاري التفكير

[{ أبوفيصل }]

حياكـ ياهمس النسيم
والله ياهمس اسمك يبي له لغز من سبع ابيات ماشاء الله
وبعدين انتم النوادر اللي ذكرتهم باللغز

[همس النسيم]

المشاركة الأصلية كتبت بواسطة العطـاااوي حياكـ ياهمس النسيم والله ياهمس اسمك يبي له لغز من سبع ابيات ماشاء الله وبعدين انتم النوادر اللي ذكرتهم باللغز

الله يحييك يابو فيصل
جعلك تسلم
ولا خلا ولا عدم
ونعم حسيت أنك تقصدنا
وان شاء الله نحله

[إبن ثعلي]

ويش رايك يالعطاوي بالسحاب اذا زريته او فكيته

[{ أبوفيصل }]

سلمتي ودمتي ياهمس وانا اخوكـ على كل حال

>> أخذتكـ السواليف لين راح عليكـ اللغز وانحل
هههههههه

[{ أبوفيصل }]

المشاركة الأصلية كتبت بواسطة إبن ثعلي ويش رايك يالعطاوي بالسحاب اذا زريته او فكيته

^
^
نعم السحّاب > سحّاب الملابس
صح لسانك ولو انك ماخليت اللغز يتنفس يابن ثعلي ماشاء الله عليك

.

[همس النسيم]

صح لسانك يالعطاوي
وصح فكرك وتفكيرك يابن ثعلي
وبيض الله وجيهكم وﻻ هنتو
وهات الجديد يالعطاوي

[{ أبوفيصل }]

صح بدنكـ ياهمس النسيم

ابوعبداالرحمن بندقه ماتخطي هدفها ،،، ماشاء الله تبارك الرحمن

^
^
ذكرت الله يابن ثعلي حتى ماتقول عني نضول

[همس النسيم]

قلت مرة في أحد ردودك ان عندك لغز عالمي
وينه هاته واطرحه لنا