آه واجـرح قلـبـي واعـنـاه

[فواز الشيباني]

[poem=font="Simplified Arabic,5,white,bold,normal" bkcolor="darkred" bkimage="" border="none,4,gray" type=1 line=0 align=center use=ex num="0,black"]
آه واجـرح قلـبـي واعـنـاه=ثم بعَد يـا وجـودي بالوجـود

كل ما بـان نجـم ٍ فـي سمـاه=قـام هَمِّـي وغربالـي يـزود

من يلوم الغريـب اللـي كـواه=مِيْسـم البُعْـد والأيـام سُــود

عَلّ غُرّ السحـاب يصـبّ مـاه=فوق ذيـك المسايـل والنفـود

دار من تـلّ قلبـي فـي هـواه=تلـةٍ قطّعَـت كــل القـيـود

صاحـبٍ لا هـرَج حلـوٍ نبـاه=ما بعَد شفـت مثلـه بالوجـود

يوم اوصّف كلامـه مـن حَـلاه=كل ما قـام يَبْـدي لـي سـدود

مثل نقْع المطر فـوق الصُفـاه=مـن سحَـابٍ تـرزم بالرعـود

فاض ثمْ فاض ثمْ فاض ومـلاه=وبْل مزن ٍ مـن المنشـا يقـود

أشهد انـه كـلام ٍ لـه طـراه=ما بعَد قال (يَسّ) وقلت ( قوود )

وإنْ تذكّرت بُعْـده مـن غـلاه=طال سِهْري وصحّيـت الرقـود

صاحبي والزمن يـدْرج رَحَـاه=علّ ساعـة فراقـك مـا تعُـود

المقاديـر مـا منـهـا نـجـاه=والصـوادر بعَـد بكـره ورود

وكـلّ شـيٍّ وحَـدّه منتـهـاه=صحّ غير الأمل ما لـه حـدود

والله انـي خبـيـرٍ بالحـيـاه=والدلايل علـى قولـي شهـود

أعرف السيف لوْ هو في خبـاه=واكتشف كـل مختـالٍ شـرود

الله اللي عطـا واجْـزل عطـاه=ما عَطونـي ضعيفيـن الزنـود

الرفيق النزيـه اكسـب رضـاه=وأكسر العُود في عين الحسـود
[/poem]



الشاعر محمد السميري

[ابن زعام]

صح لسانك

اخوي فواز

وصح لسان الشاعر

محمد السميري


احسنت الاختيار بارك الله في جهودك

[النـايــــــف]

صح لسانك اخوي فواز الشيباني


وصح لسان الشاعر محمد السميري


وبيض الله وجهك يا الغالي


على هذا الاختيار


تحياتي لك ،،،،

[بوشامه]

صح لسانك وسلمت اخوي فواز على نقل هالقصيده الجزله من شاعر جزل مثل محمد السميري000

[فواز الشيباني]

اخي ابن زعام

مشكور على التواصل

الله يعطيك العافيه

[فواز الشيباني]

اخي النايف

اسعدني مرورك

لاخلا ولا عدم ياغالي

[فواز الشيباني]

اخي بو شامه

مشكور على التواصل

الله يعطيك العافيه

[العود الازرق]

كلااااااااااااااااااام

منتهى الجزالة

الله يعطيك العافية يا فواز

[فواز الشيباني]

اخي العود الازرق

اشكرك على التواجد

يعطيك العافيه

[برقاوي هواوي]

صح لسانك أخوي فواز وسلمت يمينك