مرثية الشاعر الكبير عبدالله بن عون في ولي العهد

[رائد المرشدي]

مرثية الشاعر الكبير عبدالله بن نايف بن عون العتيبي

في فقيد الأمه الأمير نايف بن عبدالعزيز رحمه الله




[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

حارت سبور الدمع في محجر العيـن=حتـى تحمـل بالدمـوع الـذروفـه
وهلت هماليله علـى اربـع وثنتيـن=مثل الغشيـن اللـي هبوبـه جعوفـه
وجضيت من عقب استماع النبا الشين=ومن ما دها عزمـي لحقنـي كلوفـه
يا عين مـن كثـر البكـا لا تمليـن=ترى سحـاب الحـزن هلـت قنوفـه
هلـي علـى فرقـا فقيـد الملاييـن=اللي علـى الامـة وفاتـه حسوفـه
درع الامـان اللـي يصـد المعاديـن=لو تـذرف الدمعـه عليـه مخلوفـه
يالعدل زارك في مسـا ليـل الاثنيـن=عـدلٍ عليـك يـزود بالعـدل نوفـه
زارك بعـد صلـوا عليـه المصليـن=فالموقـع اللـي كـل مسلـم يطوفـه
نايف حريب الحيف مسند هل الديـن=جـالٍ يلـوذ الملتجـي فـي لجوفـه
هو درعنا الواقي على العسر والليـن=مواقفـه عنـد الجمـيـع معـروفـه
دمث الجنـاب اللـي لفعلـه براهيـن=الشعـب كلـه غـامـره بمعـروفـه
هش ٍ بشاشٍ جانبـه للعـرب زيـن=منه المواطـن مـا ينوشـه حفوفـه
وأثقل على العاصين من ضلع ابانيـن=ويـروف باللـي يستحـق المروفـه
وعنده على بعد النظـر زود تمكيـن=يشـوف شـي ٍ كلنـا مـا نشوفـه
وان جاه مضهود ٍ من الحمل والديـن=يرجع حمول الكـود عنـه محذوفـه
وان جاه من يشكي من الظلم والبيـن=ظلمه يزول اليا شـرح لـه ظروفـه
اقفـا عـن الدنيـا ربيـع المقليـن=بضيافة اللـي مـا يخيّـب ضيوفـه
عسى مقره بيـن خضـر البساتيـن=فـي روضـة ٍ بالمكرمـات محفوفـه
يكنف علـى قبـره ورود ورياحيـن=وحدايق ٍ خضر ٍ علـى مـد شوفـه
وحنا بما جانا مـن الـرب راضيـن=حيث القدر مـا تنتصـارع صدوفـه
يا ناصر الانصار فـي بـدر وحنيـن=تجعـل مفارقـة الفقـيـد مخلـوفـه
بخوانـه اللـي للخلـف مستعـديـن=تهـوم هوماتـه وتـاقـف وقـوفـه
وعياله اللي مـع مماشيـه ماشيـن=كل السيوف الاربعـه هـي سيوفـه[/poem]

[اصايل]

الله يرحمه ويغفر له

صح لسان ابن عون

صح إيرادك

لاهنت


/

فيه موضوع ثاني هنا لنفس الشاعر ونفس المناسبة !! مع اختلاف القصايد ؟؟

[رائد المرشدي]

المشاركة الأصلية كتبت بواسطة اصايل الله يرحمه ويغفر له صح لسان ابن عون صح إيرادك لاهنت / فيه موضوع ثاني هنا لنفس الشاعر ونفس المناسبة !! مع اختلاف القصايد ؟؟

الله لايهينك نورتي المتصفح


هذه قصيده الشاعر الكبير عبدالله بن عون
والقصيده الثانيه ما عندي علم عنها
اسألي ناقلها ياصايل هي لابن عون والا غير ؟؟؟؟

[اصايل]

كاتب ابن عون :)

[رائد المرشدي]

المشاركة الأصلية كتبت بواسطة اصايل كاتب ابن عون :)

عادي بأمكاني أنا اكتب قصيده واقول لك ياصايل ؟؟؟؟؟؟

[شـوآق]

عسى مقره بيـن خضـر البساتين في روضـة ٍ بالمكرمـات محفوفـه

اللهم امين

/

رائد المرشدي

عافاك الله ., وسلمت ع نقل هالمرثيه لنا

وابن عون اكثر من راح يفقد نايف بحكم انه كان قريب منه



لاهنت

[وولد عاصي]

صح لسان الشاعر ولاهنت يالناقل

[رائد المرشدي]

شكراً على مروركم جميييع