قصيدة رثاء في الشيح حنس بن معوض ابن شدة

[حبر]

أخواني أعضاء ومرتادي هذا الصرح العظيم
السلام عليكم ورحمة الله وبركاتة
ننقل لكم اليوم قصيدة رائعة للشاعر المعروف عويض بن عبدالرحمن بن معوض ابن شدة
والتي يرثي فيها المغفور له بأذن الله تعالى الشيخ حنس بن طريخم بن معوض ابن شدة
تغمد الله الفقيد بواسع رحمته .

واليكم القصيدة:

نوحدك ثم نحمدك ياحي ياقيوم ..... الارزاق مكفوله والآجال مكتوبة
عبيدك بنو عبدك مانجزع من المقسوم ..... رضينا بماقدرت ياقابل التوبة
لكن للحزن بعيونا والقلوب وسوم ..... ودعوات بالأيدي مع الدمع مصحوبه
متى مافقدنا غالي من زحول القوم ..... تبادل عزاه القوم والقوم مصيوبة
عرفناه حر ومات حر رفيع الحوم ..... سليل الحرار الي على الطيب منجوبة
على عزة النفس العزيزة وهمه دوم ..... على الدين والطاعه بزاده ومشروبة
وعن الخوض بصدور المجالس جزيل علوم ..... ومجالس هل الإسفاف ما تلتفت صوبة
مايخطي لكن راع الخطأ وارده ملطوم ..... اله هيبة في مجلس الطيب محسوبة
ذخائر معوض يوم لهل النظا زيزوم ..... قيادي ورأيه يورد الجمع مطلوبة
بعد تاهت الاريا على المورد المعلوم ..... ورد وانفرد بالرأي لين استدلوبة
وعقب له انجال على الكايدات عزوم ..... عساهم بجنات الخلود يتلاقوبة
وحنس غاب مير اسمه مع الحاضرين يدوم ..... يحملونه الخمسه بقدره وماجوبة
لعل البقا في روس منهم على المرحوم ..... عليهم من اوصافه ونهج على دروبة
على المرجله كل بسهمه يزيد السوم ..... وراياتهم في منبر العلم منصوبة



والسلام عليكم ورحمة الله وبركاتة

[وجودك يكفي]

عليكم السلام ورحمة الله وبركاته


الله يرحم الشيخ حنس بن طريخم .. وصح لسان الشاعر عويض بن عبدالرحمن


لاهنت على النقل ياحبر


احترامي

[اصايل]

الله يرحمه وامواتنا والمسلمين

لاهنت