يامن شرا له من حلاله علّة

[مامثلي أحد]

-

المشاركة الأصلية كتبت بواسطة ليزر اذاغاب الدين والاخلاق فعلي الزواج السلام سوف تنقلب المعيشه لضيقة الصدر والمشاكل موضوع مهم مفيد وفي انتظار مشاركات الاخوان والاخوات الباقين لتكتمل فائدة الموضوع الله يعطيك العافيه

فأظفر بذات الدين تربت يداك
الفائدة تكتمل بحضورك يابعدي ولايهونون الأخوان
سلمت ودمت يابعدي


-

[مامثلي أحد]

-

المشاركة الأصلية كتبت بواسطة الأدميرال ماتطرقت اخي الفــاضل لحبــوب الحمل خخخخخ

وش هي حبوبه

كل الحريم من صنف واحد أستغلال ونهب جيوب ومصلحجيات حتى السر لا يطلع من بين اثنيـن (شفايفك) مره فضحت نفسي في الماسنجر وقلت لوحده تراني دب بس لا تعلمين احد مادريت من بكره كل من دخل علي قال وش اخبارك يادب

هالحتسي متفقين عليه منذو مبطي
لا جديد .. الله يكون بالعون

يابعدي المرأة مثلها مثل آله الكمان اذا عرفت كيف تعزف على اوتارها فانها تسمعك لحنا جميلا

أفلقني كانه صدز
هالحتسي مقتبسينه من خواطر البنيات الرومنسيات .. مهب كلام رجال أبد
المرة مهما سويت وحطيت لها .. صوتها عليك مثل شكمان جمس موديل 88 خل الكمان عنك

ان المرأة كالمرآة تعكس عملك وتصرفك معها عليك

مهب كلهن .. والله يافيه ريجيل أجواد وش حليلهم ومبتليهم ربي
بحريم قشر ولا يبين فيهن الطيب أبد

لكن تستطيع وانت متزوج ان تعيش بعض الايام في وضع حياه العزوبيه بدون ان تغضب الله ولكنك لا تستطيع وانت اعزب ان تعيش لحظه في وضع حياه الزوجية الا بغضب من الله وبالتالي فحياه الزوجيه افضل بكثير مهما كانت طقوسها

و الله وأنا أخوك.. الزواج زود على أنه كلافة مالها سنع
ماتدري وش أنك مقدمن عليه .. هل على حياة كريمة و وحدتن تخاف الله فيك ( وجهن منخرش )
والا حفرتن تطب فيها و تندم العمر كله .. والله أن ودي ألف كتاب ( الحياة مع الحريم معاناة وجرح أليم )

مامثلي حدا تسلم على الطرح الرائع

سلمت الروعه حضورك يا أمير البحر


-

[مامثلي أحد]

-


أصايل

مامثلي احد اسمحلي ع التعليق وخاطري اعلق على نقاط كثيره بعد اذنك :) يمكن لي عوده بعد السماح ..

قدااام ..
ورجاءّ لاحد يستاذن عشان يرجع يعلق .. حلاة الموضوع
يوم نتناقش وكلن يشرح وجهة نظره للآخر حتى لو يرجع عشر طعش مرة للموضوع
مهب يرمي له كلمتين وينحاش ..
حيهم .. حيهم . .



-

[اصايل]

عين وردية ! جعلي ما شوف اللي عينها تسذا ثم تجين روعه أطيح بالفراش شهرين ونص ربايعنا الأخلاق مش ولابد .. وشيف مثل خياش رز أبو كاس لا خلقن زين ولا أخلاق زينه .. يالله أن تحسن خلقنا ما أحييتنا ياكريم

امين الله يحسن خلقنا واخلاقنا

بس عاداخياش رز وابو كاس عليك وصف يادافع البلا
بالعكس الحريم هالوقت تغيرت افكارهم وصار الاهتمام بنفسها وبشكلها وبأأأناقتها اهم شي
يعني ماانت شايف كيس رز ابو كاس ولا الرصيص

وإذا كان المرة بطبيعتها أخلاقها وحشه ومش ولابد .. سي السيد المغلوب على أمره وش يزين فيها ؟

يحاول يعدلها بس بدون كسر المرأه مهما كانت ترى الرجل يقواااها لو بكلمه

بس بدون عناد وتسلط

أصايل كلنا ندري أن المرأة في يدها تحول بيتها جنة و فـ يدها العكس تقدر بذكائها وحنكتها تحصل على اللي تبيه وتاخذه من فوق خشم الرجال وهو فاق خشته ومبسوط لكن النساء مكفرات العشير مهما سوا لها وعشانها ليا شافت يوم ماجاز لها قالت ماعمري شفت عنده خير .. يارب لا تبلانا ( وجه يطلب ربه )

صح كلامك اهي مكفرة عشير وقاله الرسول صلى الله عليه وسلم بس الرجل ايضا يعرف طبيعتها المتقلبه وماعليه الا انه يصبر ويعاملها كويس ويفهمها احتياجاته احلف انه بيكسبها وماتقدر ترد له طلب

أصايل حتسينا عن معاملة المرة لزوجها موب العكس

ادري وقلته بس غصب ساقني النقاش لبنات جنسي

.. قيميني كل دايم

بشرط تسمحلي اجي كل دايم

-

[الأدميرال]

المشاركة الأصلية كتبت بواسطة مامثلي أحد أفلقني كانه صدز هالحتسي مقتبسينه من خواطر البنيات الرومنسيات .. مهب كلام رجال أبد المرة مهما سويت وحطيت لها .. صوتها عليك مثل شكمان جمس موديل 88 خل الكمان عنك انت جاف المشاعر قاسي القلب يوجد فيك عقد وصاراعات نفسيه مهب كلهن .. والله يافيه ريجيل أجواد وش حليلهم ومبتليهم ربي بحريم قشر ولا يبين فيهن الطيب أبد انت ان شالله انك من الريجيل اللي وش حليلهم بس شكلك متوهق الله سبحانه اباح الزواج لك باربعة حريم و الله وأنا أخوك.. الزواج زود على أنه كلافة مالها سنع ماتدري وش أنك مقدمن عليه .. هل على حياة كريمة و وحدتن تخاف الله فيك ( وجهن منخرش ) والا حفرتن تطب فيها و تندم العمر كله .. والله أن ودي ألف كتاب ( الحياة مع الحريم معاناة وجرح أليم ) بلاش نلعب على بعض اللي يبي الخنبقه يبي يلقى الف زحليقه وزحليقه وحاول تألف كتاب (حياة العزوبيه 2فول 1واحد عدس ) سلمت الروعه حضورك يا أمير البحر تورطنابوه هاللقب ههههههههه -

الحياة الزوجيه حلوه بس نفهمها السلام عليكم

[مامثلي أحد]

-

المشاركة الأصلية كتبت بواسطة ؛؛ابو ريناد؛؛ ي بن الحلال خلنا من الحريم فكنا يمعود الحين متسلحين ببن زلفه وطقته وحقوق المرأه وحقوق الأنسان ووو

اللي المفروض يطالب بحقوقه اليوم هو الرجل
وإلا السيدات آخذات حقوفهن كاملة مكمّلة .. ولا هو معجبهن

والنساء القوارير يمقن (اصطوانات غاز) اليوم؟؟

ههههههه .. قووويّة

تبي العلم كم من واحد لو بيدة طلق بس كيدهن عظيم

صدقت ياما من واحدن بلشان ٍ بعمره .. ياما في العرس مظاليم
الله يصبرّهم

وبعدين أول يقولون الحرمه مكسورة جناح ( يامال الثاني) كيف لو مومكسور ؟؟

هههههههه .. أضحك من كلامك يابو ريناد وأنا قلبي يوجعني على الحال اللي واصلنا له
شيء يقهر ويقطع القلب

عفواً يا نصفي الثاني عفواً يا من بها يكتمل نصف ديني دعي عنك الهوى واللهث خلف الشعارات البراقه وضعي سنت المصطفى صلى الله عليه وسلم شعارك الدائم

اللي تحسي عنها يابو ريناد هذي عقلها يبي لها فرمته ويركب لها برنامج حق الفيروسات
غديها تعقل و تقعد مع الحريم متسنعه

شكراً مامثلك احد موضوع قيم ولو انني شطحت شوي بس ما ودي اقول شي أكثر من هيك 0000

بل في صلب الموضوع يابعدي
شرفتني كثير يابو ريناد .. سلملي على رنّوده


-

[مامثلي أحد]

-

المشاركة الأصلية كتبت بواسطة وجودك يكفي مثل ماقال الأدميرال . الحياة الزوجيه افضل من الحياة العزوبيه مهما كانت احوالها وطقوسها

رأيك أنت و الأدميرال على راسي من فوق .. عاد أنا نبهتكم وأنتم بصركم

ولانقيس الفرق على قصص سمعناها وقرأناها ومن خلالها نحكم حكم جائر على ان حياة العزوبي افضل من حياة المتزوج>>الناس تنشر القصص اللي فيها احداث مؤلمه وخلافات بين الزوجين ولا ينقلون القصص التي بها وفاء وإخلاص وحسن معامله وطيب عشره>>ولو نقلت الأخيره لكانت اكثر

ياويل تسبدي ويلاه .. أجل حكم جائر !
الريجيل ياولد ثابت راحوا جلطات و أمراض قلب لا شفتهم مايطري عليك إلا دعاء كابة النظر وسوء المنقلب والسبّة هالحريم
الله أن يرحم اللي مات .. ويكون بعون الحي اللي مازال يعاني

مامثلي احد لاهنت على الموضوع والله يعطيك العافيه احترامي

لاهان غاليك ومغليك ياحييّ


-

[مامثلي أحد]

-

المشاركة الأصلية كتبت بواسطة عبدالعزيز الفرج لا تعليق << ما جرب الحياة الزوجية للحين

كلنا فالهوى سوى
لكن لابد لك رأي كونته طيلة سنيّ حياتك حول المرة والزواج بوجهن عام ..
رزّ رأيك يابو فرج .. لا تستحي ؟

لاهنت ياللي ما مثلك أحد :)

يابعد تسلاي ياعبدالعزيز
لاهان غاليك ومغليك يابعدي




-

[مامثلي أحد]

-

المشاركة الأصلية كتبت بواسطة ابوسـعد هلااااابك يالوسيم جدا..

مرحب حياك الله أبو سعد

وموضوع من زمان والناس (تهذري فيه) والمثل يقول " ما يمدح السوق الا من جربه" وهذه الدراسة في بريطانيا ترى عليها ما عليها والمشكلة ان الدراسات إذا جاءت من الدول المتطورة قمنا نصفق لها ولو ان اساسها ضعيف جدا.

الدراسات مايسويها إلا الدول المتقدمة طال عمرك يعني خذوا العلم ولا تشاورون فيه
و مشكلة إذا كنا بنحتري الدول النايمة يسوون دراسات عشان نصدقها ونعترف فيها
عز الله كدينا خير

( بالمناسبة بريطانيا دولة متقدمه ولكنها عجزت ما عاد تقوى على المطاق مغير تهاوش من بعيد وتشوف عيال العم سام وش يبون وتفزع). وثلاثة آلاف نسبة ضعيفة جدا من الشعب البريطاني المعدود بالملايين فهذه دراسة لا يعتد بها

بالنسبة للنسبة .. هذي وحدة من الدراسات .. فالدراسات كثيرة ومتنوعة حول هالموضوع
والتي تشير أن معدل أصابة الرجال أكثر من النساء بأمراض القلب ..

كما ان مصدرها غير مبين فمن الذي عمل هذه الدراسة؟ وما اسلوبها العلمي؟ وطريقة البحث؟ وغيرها كثير؟

أووم الأسئلة اللي جايتن معترضه .. أرفق علينا ياملّي هههههه
يابو سعد ياحييّ أغلب الدراسات اللي نقراها ما نطلع إلا على نتيجة الدراسة
أما أسلوبها العلمي وطريقة البحث وهالعلوم فلسنا بجهة أبحاث أو مهتمين فيها
حتى يبينون لنا هالأمور بالتفصيل فأكيد ماراح يطلعونا عليها كقراء على قد حالنا
مالنا خبرة بهالأمور ..

اما رايك فهذا راي شخصي يقدر ويحترم وكل له راي ويؤخد من هذا الجانب وقد تجد المادح والقادح وكل يعطي مما لديه والخبرات هي التي تظهر الشيء نفسه "فالذي في القدر يظهره الملاس" ..

الحقيقة ماعندي خبرات شخصية لكن هذا لا يمنع من إبداء الرأي و نقد بعض التصرفات الغير لائقة
اللي تصدر من بعض الحريم فبعضهن ( ترفع الضغط وتجيب أنواع الأمراض المستعصية )
يامال الملاس على ظهرها عشان تستادب ( وجه واحدن قفلت معه )

ولدينا دليل لا شك فيه ولا لبس وهو كتاب الله كما جاء في قول الحق تبارك وتعالى في اول سورة البقرة "ذلك الكتاب لا ريب فيه هدى للمتقين" وهو المرجع لنا في حالة الاختلاف فقد بين خالقنا انه خلق لنا من انفسنا ازواجا وجعل بيننا مودة ورحمة حيث ورد القول الفصل في سورة الروم آية (21). "ومن آياته أن خلق لكم من انفسكم ازواجا لتسكنوا اليها وجعل بينكم مودة ورحمة إن في ذلك لأيات لقوم يتفكرون" ويقول الرسول صلوات الله وسلامه عليه "خيركم خيركم لنسائه وانا خيركم لنسائي" وقال عليه السلام" اوصيكم بالنساء خيرا" ولا زال يوصينا بهن حتى وافاه الاجل المحتوم فديناه بالامهات والاباء.

لاخلاف القرأن والسنة هي المرجع والزواج هو سكن وأنس ورحمة ومودة ..لكن بعض الحريم ( بلوى )
( يالله أنك لا تبلانا ) لاتقدر هذه المؤسسة ولا تقدسها ماغير مطنقرة و منكدة على رجلها وعلومها
كلها مخيسة ولاهي يم سنع

وهذا المنتدى ولله الحمد والمنه فيه الرجال والنساء الاوفياء لزوجاتهم وازواجهن وحتى لوقال ماقال فهو يكن للمرأة وهي تكن للرجل كل الاحترام والتقدير فمن منا لايحب امه وابوه والرسول يقول عندما سؤل من احق الناس بصحبتي يارسول الله قال أمك ثلاثا ثم ابوك..ومن منا لا يحب اخته واخيه وعمه وعمته وخاله وخالته وهكذا والبشر كلهم من ذرية ابونا آدم وحواء عليهما السلام...ولكن قد ينزغ الشيطان بين الاخوة والاخوات فينشأ صراع مصدره هذا العدو اللعين وانا على يقين من ان الجميع قد قراء قصة يوسف عليه السلام مع إخوته.... وفي الختام كن لزوجتك ملك تكون لك ملكة، ولا تكون لها لاشيء وتريدها ان تكون لك شيء، فأنتم شقائق لبعض كما قال المصطفى صلى الله عليه وسلم، ولم تخلقوا للاهانات(ذكورا وإناثا) بل ان تكونوا خلفاء لله في ارضه..وفق الله رجالنا ونساءنا للعيش على هذه الارض وفق ما جاءت به الشريعة الغراء وحتى يوم الميعاد ، يوم العدل بين الخلائق.والمهم والاهم هو العفو والصفح وعدم التشنج ونسال الله تقبل بعض والغفران من كل الذنوب والاثام وعدم طاعة العدو اللدود الذي يحاول بشتى الطرق التفريق بين الازواج والاهل وكل ماهو صالح ونستغفر الله ونتوب إليه دائما وابدا ..والله اللطيف الخبير وياهلاوغلا بالوسيم جدا....

لا فض فوك أستاذنا أبو سعد نستمتع بحديثك طال عمرك ومناقشتك ( مناقشة التلاميذ لإستاذهم )
كل ماذكرته متفقين عليه طال عمرك والحب عذاب والزواج زين
لكن حكينا عن فئة من النساء وما أعمم ومو كل النساء سيئات ورايحات في عين أمها ..
حنا نتكلم عن جزء والجزء من الكل وهالسلوك السيء راح يستشري إذا ماحتسينا فيه و وقفنا
ضده ..

و حيّوه أبو سعد .



-

[مامثلي أحد]

-

المشاركة الأصلية كتبت بواسطة اصايل امين الله يحسن خلقنا واخلاقنا بس عاداخياش رز وابو كاس عليك وصف يادافع البلا بالعكس الحريم هالوقت تغيرت افكارهم وصار الاهتمام بنفسها وبشكلها وبأأأناقتها اهم شي يعني ماانت شايف كيس رز ابو كاس ولا الرصيص

يهتمّن ويتمسمن قدام المراية عشر طعش مرة باليوم .. ياهي ملت من وجيهّن هالمراية
شكلها تقول : ياختي أنقلعي يرحم أمتس وقسم بالله حومتي تسبدي بمقابلك هههههه

يتزهلقن ويتشخصن والزين عنهن شرق

يحاول يعدلها بس بدون كسر المرأه مهما كانت ترى الرجل يقواااها لو بكلمه بس بدون عناد وتسلط :sniper (55):

حشى ورشة تصليح مهب زواج هههههه

صح كلامك اهي مكفرة عشير وقاله الرسول صلى الله عليه وسلم بس الرجل ايضا يعرف طبيعتها المتقلبه وماعليه الا انه يصبر ويعاملها كويس :sniper (69): ويفهمها احتياجاته احلف انه بيكسبها وماتقدر ترد له طلب

كلام جميل

بشرط تسمحلي اجي كل دايم

مهب حلى هو ..
بارك الله في من زار وخفف << زليل الحياء


عالبركة الرمزية الجديدة
ماعندتس رمزية سلف


-