شِدّي حزامِك يالقلوب الذوايب ..!

[سلمان المالكي]

شِدِّي حزامِك يالقلوب الذوايب ..!

شِــدِّي حـزامِــك لا عـــوى الـذيـب للـذيـب

شِـــدِّي حــزامِــــك يـالـقـلـوب الـــذوايـــب

سَـحـايــبٍ ودّت عـلـى الـكـيــف و تـجـيـب

أكـسَـب بسيفـي فــي الـظــروف الـنـوايـب

تَـحضِــر عـلـى بالــي هواجيس و تـغـيـب

لاهـــي غــرابــيـــبٍ ولاهـــي غــــرايــــب

الـسّـيـف سيفـي مَـا عــلا سيفـي الـشـيـب

أشِـــب نـــار الــشّـيــب لـونـي بــشــايــب

أفـكـار تِـبـحـر بـي عـن الـظـن و الـريــب

قِـنـعـت مِـن دِنــيـــا زِمــــان الــعــجـايــب

بـرمـجْـت تـفـكـيـري علـى واعـي الـغـيـب

صِـحِـيـت واعـي صَـاحـي الـفكــر غـايــب

أخــطـــر قـَـناعـاتـي تـعـدّيـك و تــصــيــب

ياللــي تـعـدّيـنــي تـــرى الـعـلــم صــايــب

أشـعـاري أحـكِـمـهــا ومِـن غـيـر تـبـويـب

تِــدرك مـعـانـيـهــا الـحـروف الــنّـجــايــب

تـلـقـى بهـا روس الـصـنـاديـد تــطــبــيــب

مـعـنـى يـخـالـفـهــا عن الـحـرف طــايــب

ألـعـب بـهـا بـالـطـيـب مِـن دون تــدريـــب

تــعــرف دروب الـــعـــز دايــــم درايـــــب

يـفـوح مِـنـهــا فـايــح الـمـسـك والــطـيــب

وتـغـيـر فـي داعــي الـحـروب الــنِّـشـايـب

أنـهـيـت هالــرحــلــة بــدقــة و تـصـويــب

لو جيت تـســأل عـن شــعـــور الـحـبـايــب

هــــذا حـزامــي لاعــوى الــذيــب للــذيــب

هــــذا حـزامـــي يـالـقـلـوب الـــــذوايـــــب

..............................

تحيّة الورد الطائفي للجميع
سلمان المالكي

[اصايل]

أخــطـــر قـَـناعـاتـي تـعـدّيـك و تــصــيــب

ياللــي تـعـدّيـنــي تـــرى الـعـلــم صــايــب

أشـعـاري أحـكِـمـهــا ومِـن غـيـر تـبـويـب

تِــدرك مـعـانـيـهــا الـحـروف الــنّـجــايــب

تـلـقـى بهـا روس الـصـنـاديـد تــطــبــيــب

مـعـنـى يـخـالـفـهــا عن الـحـرف طــايــب


كفو ..

صح لسانك واعتلا شانك

لاهنت

[عبدالله المرشدي]

صح لسانك ياسليمان المالكي

قصيده روووعه كعادتك مبدع والله

ولافيك حيله بس هالمره كنك عسفت درايب وذوايب او انها في لهجتكم كذا

والعسف يفقد البيت قوته وانت شاعر فحل ماتفوتك ونتعلم منك

لكن صح لسانك لين ترضى يامبدع

احتراماتي

[وجودك يكفي]

صح لسانك ياسلمان ولاهنت

احترامي

[تباريح الروقي]

صح لسانك ياسلمان... ولا هنت...

[الخال]

سلمان المالكي صح لسانك
قصيدة جزله وتميز بسوبهاالجميل

[نسمة غلا]

صح لسانك ياسليمان وعساك على القوة

ننتظر منك المزيد

[مهـرة مـطير]

"

صح لسانك يَ شاعرنا سلمان

مبدع كالعادة

[النير]

صح لسانك ياسليمان المالكي

قصيده روووعه كعادتك مبدع والله

ولافيك حيله بس هالمره كنك عسفت درايب وذوايب او انها في لهجتكم كذا

والعسف يفقد البيت قوته وانت شاعر فحل ماتفوتك ونتعلم منك

لكن صح لسانك لين ترضى يامبدع

احتراماتي

[المرجان]

صح لسانك ابدعت يالغالي