لوالمراجل لبسة شماغ؟؟!!!

[تباريح الروقي]

بسم الله الرحمن الرحيم
السلام عليكم ورحمة الله وبركاته

صبــآح \ مســآء الخير

إذا المراجل لبسة شماغ وعقال
قل للعذارى يلبسنّ العمايم

انا والله اسف لاني اتكاسل عن وضع اسم الشاعر\لعدم بحثي الدقيق

ولكن قصيدة قوويه,,تستحق القراءة
\
\

تحياتي تباريح

إذا المراجل لبسة شماغ وعقال
قل للعذارى يلبسنّ العمايم
ما عاد يفرق زول حرمه ورجال
دام الفعايل تشبه البعض دايم
المرجله ما هيب كلمه وتنقال
وتروح ما راحت هبوب النسايم
وإلا خشونة صوت أو رفع الأثقال
أو رزة صدور وفعل الزلايم
ولا هي بعد مفتاح موتر وجوال
وإلا ردى لسانن حديثه شتايم
المرجله شيمه عن القيل والقال
رفيع نفس (ن) حر بالجو حايم
المرجله عقلٍ وزن وزنه جبال
ودون العقل وش فرقنا والبهايم
يا مسندي لو مايل الوقت بي مال
يا ولد أبويه يا عظيم العزايم
يا معرب الجدين من العم والخال
يا نخوة المفزوع وقت الهزايم
المرجله يا خوي هي طولة البال
هي العزم هي الصبر فالظلايم
فيها الكرم عزه دله وفنجال
فيها الكرامه عن ردى الطبع شايم
والدين لامنه خذا القلب منزال
مشى طريق الحق وابليس نايم
ومن لا عرف ربه في طيب الحال
لابد وقت الضيق بالهم هايم
حتى صلاتك مع جماعات ورجال
في خيرها يا خوي نعم الغنايم
ولامن نصف ليلك قم صفي البال
يا عظم أجرك بين ساجد وقايم
ولا من رفع ربي له كل الأعمال
حسن الذكر لا قالو فلان صايم
وخلك شريف القصد يا طيب الفال
سوء المقاصد فالبيوت الهدايم
واحذر تبيع النفس في دب الأنذال
وتتبع خوي إبليس راع النمايم
النفس خيل لك إذا كنت خيّال
ومن لا قوى نفسه قوته الهزايم
ولا صرت ما تدري لو يش أنت رجال
والله خسارة فيك ذبح التمايم

[شـوآق]

صح لسان شاعرها ,
وسلمت ِ ي / بنت روق


اختيار موفق .

[تباريح الروقي]

ولا هنت ياشوآق

شااكرة مرورك,,,,,دومتم بصحة وعاافية,,ي\ولد برقا

[؛؛ابو ريناد؛؛]

تباريح لاهنتي ع النقل واليوم امممممممممممم
لو شاعرها يرا الوضع الحالي كان يمكن ويمكن

[تباريح الروقي]

ابو ريناد\ههههههههه لاتعليق!!!!

شاااااااااااكرة مرورك دومتم بصحة وعاااااااااافية’’’

[البارق]

شكرا تباريح على المنقول

[اصايل]

انشهد ..


صح نقلج ياتباريح ..

سلمتي ولاهنتي

[تباريح الروقي]

شاااااااااااااكرة مروركم,,,,,جميعااا,,,دومتم بصحة وعاااااااااافية’’

[سكون الليل]

صح لشاعرها وسلم من نقلها لنا
يعطيك العافيه على هالطرح
دمت بخير

[تباريح الروقي]

سكون الليل

تسلمين يالغلا,,,شااااااااااكرة مروك الكريم,,,دومتي بصحة وعاافية’’