[align=center]ألإهداء الى جناب الشيخ الفاضل/ زعام بن نجر بن عايض بن صايل الذّيابي الروقي العتيبي ،،،،،،،،[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/40.gif" border="double,4,crimson" type=0 line=0 align=center use=ex num="0,black"]
يقول اللي يغنّي من هجوسه ساهراً مانام=يغنّي له بقافٍ مايغنّي به هواويّه
أهوجس وأجتلد مانمت يوم العالمين نيام=من همومٍ تحدّ النّوم عنّي حدّ جبريّه
وتذكّرت الرجال اهل الوفاء اللي شام واللي يام=أبا اللي له دروب الطّيب مذخوره ومنقيّه
ومدام الصحف ماجفّت ولا قد رفعت الأقلام=ابا انظّّم من القيفان قيفانٍ طرت ليّه
ووجهها لشيخٍ مستحلٍ قمّة السنام=على قمّة سنام المجد كسب وورث جدّيّه
يقولون العوارف لا بدا لازمك رح لزعام=لحيث زعام له قدر ومكانه وله جاهيّه
ولال الكايدات إلا حصانٍ يطمر العدام=سواة زعام حلاّل الصعب زبن الجلاويّه
وجيت اليوم متعنّي وأحث له الخطا قدّام=وانا بيني وبين زعام وأبو زعام عانيّه
ويكفيني مقام زعام كانه في لزومي قام=وانا لابدّني منشود عن فزعة بناخيّه
وهو يشهد عليّ الله ليا ادّى الجهد ماينلام=ليا منّه بذل جاهه عليه البيض مثنيّه
عليه البيض من جدّه ليا ام الدوم للدّمّام=ولال زعام عندي ياعتيبه غير هاذيّه
وأحق الناس بألفزعه خوالك يازعام شمام=ولاياسعك منّا العذر في دعواً ضروريّه
ولا أظنّك تعذّر عن طلبنا وأنته الضّرغام=ولاتبلش ولا تنشب مثل ماينشب العيّه
طليق لسان وابن حصان وأسمك مشرق الأخصام=تكبّ إشداد خصمك كب لين إتيبّس إشفيّه
يجيك الخصم له هقْوَهْ وخشمه كلّبوه إعرام=وتقلب حجّته ضدّه وتقلب حسنته سيّه
ولاتجرم ولا تظلم لكنك تدّب الظلاّم=ياكم من ظالمٍ تصبح عظامه منك مبريّه
ونجر اللي نجبك الله يبيحه للعدا لطّام=وصايل ناجبٍ عايض وعايض محتم الهيّه
زحولٍ تاخذون الطّيّبه دايم بجنب إزحام=أهل فزعه واهل جزعه وبألأعداء قطوعيّه
وأهل شيمه وأهل قيمه كرامٍ وارثين كرام=كرامٍ كلّكم وقصوركم بألعز مبنيّه
عسى من مات منكم يرحمه ربّ الملأ الرّحّام=وعسى الحيين ذخر إلنا ليا كلٍ ذكر حيّه
ندوّركم وننصاكم ونلقاكم على الدّوام=حصونٍ في ذراها إلنا الذرى والعزّ والفيّه
كبن فزعاتكم يالآد ذايب تبري الأسقام=ليا هابوا وعجزوا في الطّلب خطو السنوحيّه
نباكم في مثل هاذي لنا وقت اللزوم حزام=وهاذي كايده ومتعّبه ماهيب عاديّه
لكن يحلّها الله ثم وجاهتكم مع الحكاّم=وفزعتكم لنا في حلّها ماهيب منسيّه
وعسى رجْلٍ نسى معروفكم يصبح يهيم هيام=يهيم ولايقيم وينحر دياراً خلاويّه
وأختّمها بذكر الله وبألصلاة والسلام=على المبعوث بألرّحمه وبآياتٍ سماويّه[/poem]
[align=center]محمد بن دغيم السميري العتيبي[/align]
| 
|
05-06-2006, 12:30 AM
المواضيع المتشابهه
العرض العادي
