الطيب غالي

[الصهد]

[align=center][tabletext="width:80%;background-image:url('http://www.otaiby.com/vb/backgrounds/15.gif');"][cell="filter:;"][align=center]

السلام عليكم ورحمة الله وبركاته

مدخل
ابن اللئيم مشارك الكلب بطبوع
عينه على حرمة قصيره دورها

في جارتي والله محب التلفات = لوانها صارت مليكه جمالي

ان صادفتني ما تبعها بنظرات = والعن ابليس لا بداله مجالي

اتبع سلوم للقبايل عزيزات = ومن لا حمى جاره عساه التوالي

الجار له عندي حقوق كثيرات = وله منزل ً دايم رفيع وعالي

قلت الحقيقة مابقولي خطيات = قلته بعد شاهدت بعض الخمالي

قلته لجل اهل النفوس الضعيفات = اللي يراود جارته مايبالي

هذاك جعله في زمانه بلوعات = وعسى البلد من جنسه اليوم خالي

واللي مشى بين العرب بالنميمات = جعله لعطران الشوارب نعالي

منول للبدو شيمه وعادات = واليوم نسيوها رجال هزالي

واللي نسى العادات مابه مروات = عسى حياته في زمانه نكالي

ولا عساه يعد ضمن الوفيات = ولا بوسط اشهار فيها يلالي

في وقتنا اللي راح تشرى النصيحات = واليوم ماتقبل بلا راس مالي

في وقتنا الحاظر امورعجيبات = ومشاكل زادت بليا انحلالي

شفت النقايص في عيال الحمولات = واشوف قلو مكرمين السبالي

يهل الوفاء ياكاسبين الجميلات = اللي بعيد الدار واللي موالي

عندي سؤال دون نقص وزيادات = وابي جواب واضح للسؤالي

سؤال حيرني ولافيه حيلات = يوم الجبال اليوم صارت سهالي

وش غير العربان وش هالمصيبات = مصايب العربان صارت ثقالي

اشوف بعض الناس وسط المتاهات = اكله حرام ولا يريد الحلالي

ولا اقول كل الناس لكن كثيرات = والخير بالباقين لو هم قلالي

والمعذره لا تلحقوني ملامات = كل ً بفعـله يالنشاما ينالي

لي قصد واحد يوم رديت الابيات = تنبيه للناسين والطيب غالي

مخروج
ما دارها خوف عليها من الجوع
خوفه تفوته غرة ما سبرها

[/align][/cell][/tabletext][/align]

[إبن ثعلي]

لاهنت يالصهد على اختيار هذه القصيدة التي كلها حكمه
وتحياتي لك

[وجودك يكفي]

ياسلااام عليك يالصهد .. ولاهنت على الإختيار المميّز

صح لسان شاعرها وتسلم يمينك على الطرح

احترامي

[ماني مثل غيري]

يسلمو على النقل
لآعدمناك ..~

[الصهد]

الله لا يهينكم شرفني مروركم المتميز تحياتي وتقديري

[هنـــدالسبيعـي]

ابيات راقت لي جدا تسلم يمينك

[الصهد]

هند السبيعي شرفني مرورك الله يسلمك تحياتي وتقديري