جــابـــت الـعــيــد

[طلال العتيبي]

ياصاحبي لا صافحتك الغرابـــه...
00000000000000دوّر وراها صوت ونّـــه..وتنهيــد..




تلقى القلق دين تزايد حسابه..
000000000000000000وقته على شباك الأوجاع تسديد..




تعال.. خذ بيدين جوع الغلابه..
0000000000000حط لتناثرهم الأفواه تحديــــــــد..




بلّغ مواعيد الفقر للسحابه..
00000000000000000قل ينتظرك هناك..عشب المواعيد..




بين الصباح الممتلي بالرتابه..
0000000000000000000وسواد ليل وحشته ترهب البيد..




اجمع ضلوع..حزن أهلها ربابه..
000000000000000000بأقواسها..من طيبها جابت العيد..




خذها على أول سكة للصبابه..
000000000000000ولغصونها صبّ الوله والتغاريـــد..




والله..لتلقى حزن الأيام..غابه..
0000000000000000والجرح كاس..ولوعة الياس عربيد..




صارت دروب انفاس أهلها تشابه..
000000000000000000وألا رغيف أوهامهم..فيه تجديد..



ومن لايعوض في حضوره غيابه..
0000000000000000000خلّه يغيب..ويوغل البعد ويزيد..




ومن لا اشبعه مخلاب طيبه ونابه..
000000000000000يقمح..ليا انهد النشامى على الصيد..




خبل..ليا راحت سنينه نهابه..
000000000000000عوّد يدوّر عند شانيه تمجيــد..!!




مثله يخلي الهروله..للذيابه..
00000000000000000ويعرض يدينه ورجليه للقيـد..




ماهوب كفو تنتخيه القرابه..
0000000000000000ولا سلمه يصلح للحن العناقيد..




ياصاحبي..والجرح مفتوح بابه
0000000000000000أقرب..وقول الحلم وداني بعيد..




شفني لبست أصدق طقوس الكتابه..
000000000000دام القلم عبد..وشموخ الورق..سيد..









--------------- طلال صالح العتيبي --------------
__________________

[إبن ثعلي]

اجدت ياصالح مشاء الله عليك ولكن القلم حل محله الحاسب وقل استخدامه تحياتي لك وبالتوفيق

[الحصان]

صح لسانك قصيده جميله جداً

[طلال العتيبي]

صح بدنك يا ابن ثعلي













وما عليك زود












تقبل احترامي

[م.روقه]

الأخ الشاعر / طلال العتيبي

من فلسطين أطير لك التحيات و السلامات، و أقول:

لا فض فوك على هذا الابداع الشعري الأصيل . جميلة هي الصور الشعرية اللاتي اتن من عمق الفكرة و الوجدان.

مع خالص تحياتي لكم
أخوكم / محمود روقه - فلسطين

[طلال العتيبي]

صح بدنك يا الحصان وما عليك زود











ولا عدمتك

[النـايــــــف]

صح لسانك اخوي الغالي طلال العتيبي



وبيض الله وجهك يا الغالي


تحياتي لك ،،،،،


اخوك النـايـــــــف

[طلال العتيبي]

مروووووقه




ألف شكر لك على مرورك ولطف شعورك




ولا عدمتك

[طلال العتيبي]

صح بدنك يا النايف ووجهك أبيض و أنا اخوك






اسعدني مرورك وشرفني تواصلك









تقبل احترامي

[طلال العتيبي]

الف شكر لكل الذين مروا من هنا وبقي عطر حضورهم










ولا عدمتكم