لغزي على كيفي بدون امقدمات (محلول) من ابو بخيت صح لسانه

[وجودك يكفي]

إن شاء الله تفقعون عينه


جااااااري الإنتظار

[جـــلادة]

صبحك الله بالخير وجودك عساك بخير ؟
اللغز شي موجود بالبيت او خارج البيت
مضر او نافع يعني عطنا رموز بسيطه
تـــر ى راسي افتر من التفكير وما خليت احد إلى سألته
اللـه يعطيك العافية أخوي

[وجودك يكفي]

صباح النور ياجلاده وأبشرك بخير عساك دايم بخير


هههههه مدام راسك افتر ابشري بجاوب على استفسارك

الجواب مو موجود داخل البيت
والجواب لايضرنا ولا ينفعنا ولكنه يفرح ناس ويزعل ناس


يلله ياجلاده اجلدي اللغز

[إبتسام]

المشاركة الأصلية كتبت بواسطة وجودك يكفي الجواب مو موجود داخل البيت والجواب لايضرنا ولا ينفعنا ولكنه يفرح ناس ويزعل ناس

03emvur13$03emvur13$03emvur13$


خارج البيت وخارج عقولنا


بس إن شاء الله يجي يتضيّف في عقولنا

.

[وجودك يكفي]

المشاركة الأصلية كتبت بواسطة إبتسام 03emvur13$03emvur13$03emvur13$ خارج البيت وخارج عقولنا بس إن شاء الله يجي يتضيّف في عقولنا .

هههههههههههه ياحليل هاللغز أحسبه بسيط وسهل وأثره عنيد وراسه يابس


إن شاء الله تجيبون الجواب وتنحرون اللغز وتقتلونه شر قتله

[ابو بخيت]

بكتب مايطري لي ماخلي شي يكفي سينا يوم طرت راحت عند جلاده هههه تستهل جلاده

وش تقول يوجودك الخطة الخمسية

[وجودك يكفي]

المشاركة الأصلية كتبت بواسطة ابو بخيت بكتب مايطري لي ماخلي شي يكفي سينا يوم طرت راحت عند جلاده هههه تستهل جلاده وش تقول يوجودك الخطة الخمسية

ههههههههههه أي شي يطري في بالك ارمعه ولا تستبعد شي

مالك لوا بالخطة الخماسية يابو بخيت

[ابو بخيت]

وش تقول في اركلات اترجيييحية خمس ركلت ضدها خمس عند الفريق الثاني
ويزيدون ان تساوو الفريقين وتبدا فعلها ونهيتها عند رابع ركله هههههه

[وجودك يكفي]

المشاركة الأصلية كتبت بواسطة ابو بخيت وش تقول في اركلات اترجيييحية خمس ركلت ضدها خمس عند الفريق الثاني ويزيدون ان تساوو الثنين هههههه

هههههههههه عز الله إنك ماقصرت يابوبخيت حطيت هاللغز في راسك ولك ثلاث أيام وأنت تحوفه من يمين ومن يسار لين جبت أجله وذبحته

أستجاب الله لدعوة جلادة يوم قالت يارب مايحل هاللغز غير ابو بخيت


ونقول لأبو بخيت صــــــح لسانك يالذيب وبيض الله وجهك على الجواب الصحيح

الجواب
ركلات الترجيح

خمس ركلات لكل فريق لكي تحسم النتيجه لصالح أحد الفريقين
وإذا تساوت النتيجه في الخمس ركلات يزيد عدد الركلات حتى يفوز أحد الفريقين

بعد اربعة ريجيل يبدا فعلهن>>بعد أربعة أشواط يبدأ اللجوء لركلات الترجيح ومستحيل تبدأ قبل أنتهاء الأشواط الأربع


أشكر جميع من شارك والله يعطيكم العافيه

[ابو بخيت]

صح بدنك يوجودك

توفيق من الله ودعوة طيبه من جلاده ادعيلي دايم تكفين هههههه