الصمت مأساة

[فـهـد العتيبي]

***
**
*



اسكت ولاتنطق ولاتحرك شفاه
كانك تبي هالسلم وتعيش مرتاح

درسٍ حفظه الكل من دون مشهاه
واصبح لسان الحال كاذب ومداح




وين الوفا هل مات مدري نسيناه
وين التناصح ما عكس وجه الاصلاح




انكارك المنكر إذا قلـــــت له لاه
ليه يعقبها حساب صارم إذا اجتاح




استسمحك ياكذب فالصدق منجاه
هزيت غصنك بس ما طـــاح تفاح




هذي نتايج حرب تكميم الافواه
جده غريقه والخساير فــالارواح





وخلف الحصانه أكد الغدر معناه
اثر الحصانه درع وحصون سفاح





اليوم جده غــــير هي غير والله
حزن واسى واهموم واتراح ونياح





ماشئ واسى خافقي يوم مبكاه
الا قنــاعٍ عن وجيه الغدر طاح




لاتقول غرقى ذنب حنا ارتكبناه
العيب فاللي خان من شان الارباح




تبكون جده لا ملامه عــــــلى الآه
خصٍ إذا هي جتك من طعنة جْراح




عم البلا والشعـــــب ملعون مثواه
غلا ،بطاله ، فقر أنســـتهَ الأفراح




لاتلوم نطقي صاير الصمت مأساه
صبر الحليم اليوم من حرقته صاح


**
*





فهد العتيبي

[ضوء القمر]

لاتلوم نطقي صاير الصمت مأساه
صبر الحليم اليوم من حرقته صاح

صح لسانك فهد
لاعدمنااا هالطله
دمت بود
بنت عتيبه

[البارع]

صح لسانك يالنشمي ولاهنت على هذه الدره ’’’

تقبل مروري ,,,

[اصايل]

فعلا مأساه ..


:


لاهنت .

[ملآمح خجل]

فهد العتيبي
آرتقيت منزلة الشعراء ببهاء وفتنه وآلقيت عذوبة الحرف على مسآمعنا
لنبضك كل الشكر والعرفان ...شكراً

[فـهـد العتيبي]

المشاركة الأصلية كتبت بواسطة ضوء القمر لاتلوم نطقي صاير الصمت مأساه صبر الحليم اليوم من حرقته صاح صح لسانك فهد لاعدمنااا هالطله دمت بود بنت عتيبه

صح بدنك تقديري والشكر لمرورك
يابنة العم

[فـهـد العتيبي]

المشاركة الأصلية كتبت بواسطة البارع صح لسانك يالنشمي ولاهنت على هذه الدره ’’’ تقبل مروري ,,,

البارع
مرورك يحيي القصيد
تقديري لك

[فـهـد العتيبي]

المشاركة الأصلية كتبت بواسطة اصايل فعلا مأساه .. : لاهنت .

لاهنت ِ شكري لمرورك العطر

[فـهـد العتيبي]

المشاركة الأصلية كتبت بواسطة ملآمح خجل فهد العتيبي آرتقيت منزلة الشعراء ببهاء وفتنه وآلقيت عذوبة الحرف على مسآمعنا لنبضك كل الشكر والعرفان ...شكراً

ملامح
ارتسمت على محيا القصيدة ملامح الفرحة رغمها حزنها والمأساة
لاعدمت الالق
تقديري والشكر

[سفانه]

صح لسانك اخوي

بيض الله وجهك

عوافي