هدوءً ايها السـاده حضـور الحفـل والسهـره

[الصهد]

القصيّدة لـ الشاعر

جابر العتيبي

إليكـم القصيـده ياجماهيـري وهـي خـطـره
وخلـوا هالرقابـه تسجـن الشاعـر وجمهـوره
هدوءً ايها السـاده حضـور الحفـل والسهـره
مساء الخير على الصاحي واشوف الناس مخموره

انا اسف على الازعاج ولكـن طـارت السكـره
ذكرت اني قبل ساعات اصيل وعزوتـي نـوره
على فكـره الكرفتـه عجـزت افكهـا عسـره
ابـي واحـد ينزلهـا او اي وحـده ومشكـوره

وابي ثوبي جيبولي ثوبي الأشهـب مـع الغتـره
قبل والله لأطربقهـا علـى هالحفـل بحضـوره
ولا واحـد يتكلـم قبـل مااخـلـص النـشـره
ومن يحكي قسم بالله لأدوس برجلـي حنجـوره

تراهـا قفلـت يـاسـادة بــلادي وياسـتـره
وهي مادامهـا خربـت بقـول الليلـه الثـوره
انا بحكي مـن اول يـوم جيـت لدنيـةً قـذره
وتكـرم عـن قذارتهـا بيـوت الله ومعمـوره

انا مولود في ليلـة شتـاء مـع بردهـا مطـره
في خيمه وسط صحراء مابها سستـر ودكتـوره
انا ياحضرة الساده غريب وضاع مـن صغـره
لعن جـدي زمانـي بيـن مدهـوره ومهجـوره

حملت مـن الشقـا مالايطـاق وجايكـم ذكـره
ولاني عاجز اتحمـل وامـوت بنفـس مقهـوره
وانا ادري يذبح الرجال كثر الصبر فـي قهـره
وعن قهر الرجال المصطفـى حـذر ومذكـوره

وهم قالوا مفاتيـح الفـرج للحـي فـي صبـره
وانا اشوف الصبر مفتاح ضـاع وزاد طابـوره
تعبـت الملـم ايامـي بيديـن الهـم والحسـره
تعبت المع البـرواز وامسـح غبـرة الصـوره

تعبت ابوس كف الجوع وخشم الفقر طال عمـره
تعبت اكذب على الحاجه واقول الحـال ميسـوره
تعبت احمس من القهوه واحط السمـن والتمـره
تعبـت ودلتـي وحـده وكـل شـوي منثـوره

احسب العز بالدلـه وبيـت النـذل بهـا عشـره
دلالـه اكثـره ملعـون ومليانـه ومسـطـوره
انا بحكم البـداوه انـزرع فـي داخلـي بـذره
عن علوم المراجل الـف بـذره فينـي مبـذوره

تربينـا علـى الديـن ونطيـع الله مـع شكـره
تعلمنا نصلـي ونحفـظ القـرأن وكـل سـوره
تعلمنـا نحـب الضيـف وفينـا الكـرم فطـره
تعلمنـا نـقـول الـصـدق لا لـفـه ولادوره

تعلمنا نحلب النـوق ونعـرف وشهـي البكـره
تعلمنا الضمـى وحنـا بيديـن البيـر محفـوره
تعلمنـا وكثيـر اللـي تعلمـنـاه وش كـثـره
اخذنـا درس بالدنـيـا بلادفـتـر وسـبـوره

وانتم ياسكـارى الحفـل عفـواً ايهـا الزمـره
منو فيكم عرف قهر الزمـان وظلمـه وجـوره
منو فيكم وطاه الجـوع وذلـه وصفقـه فقـره
منو فيكم عرف يحتـاج لللقمـه ونشـف زوره

منو فيكم مـن الضيقـه حفـر بأصابعـه قبـره
منو فيكـم رقـد ليلـه وسـط اجسـاد مقبـوره
منو فيكم مشى حافـي برمضـاً كنهـا الجمـره
منو فيكم سهـر بليـل الظـلام بـدون ابجـوره

منو فيكم ماطاح الفيـن مـره وسلمـت الجـره
وانا من قبل اطيح وجرتـي بيدينـي مكسـوره
لكم المأ والوجـه الحسـن والمـال والخضـره
ولنا حنا الضمى والجوع وفقـر وشيفـة عـورا

ولامره حظي ضحك بوجهـي واشكـره مـره
وغيري مبتسم حظـه وكـل ايامـه مسـروره
كتبت الشعر من صغري وبيوتي مابهـا كسـره
وانتم تبـرزون اللـي كتـب بيتيـن مكسـوره

انا ياحضـرة السـاده فقيـرً مااغتنـم شعـره
مدام المومس اللي تشـري الاشعـاار مشهـوره
وانا ياحضرة الساده هينا الليلـه وعلـى فكـره
ترا هالبدله مسروقه ورجلي بجزمـه محشـوره

ولكن قلت ابحضر هالحفـل والعمـر ابختصـره
وابي ابدع معاكم وسط ليلـة انـس ومحضـوره
واذا كانـت رجولتكـم بكاسـة ثلـج والخمـره
انا بشرب بدون الكاس وثلجـه الـف قـاروره

ابويه قـال لـي مـره دسـم شاربـك بالغبـره
مايدري بالشنب محلوق وجابـر فاقـد شعـوره
انـا بمشـي مـدام الليـل ودع وابتـداء فجـره
بروح ارد هالبدله علـى هالمعـلاق مـزروره

وانا ادري ياكلاب الحفـل انـي بسجـن بكـره
مدام الليله جبت العيد بهـذا الحفـل وحضـوره

[شموخ طفله]

قصيدة رائعة رسمتها بريشة تنزف بكـ و تجذب ناظرها إلى الإبحاروالتعمق فيها والغرق بين سطورها لاكتشاف المزيد ولكن ؟؟! لا مزيد ! أتمنى لكَ من الخير أكثره ومن السعادة أجلاها .. دمت باحساسكـ المرهف

[الركــن]

الصهد

قصيدة رائعة وشكراً على النقل

أخيك / الركن

[عزيزة الجناب]

الله الله

صح لسان جابر

وسلمت ع النقل

لاهنت

[عايش الكريزي]

مشكوووووور والله يعطيك الف عافيه

[اسيرالشوق]

مشكوررررر اخوي الصهد لاهنت

القصيدة جميله وصح لسان الشاعر

[الصهد]

الاخوه والاخوات
شرفني مروركم الأروع والمميز
الله لايهينكم
تحياتي وتقديري ،،،،

[الأدميرال]

لاهنت يالصهد على النقل الحلو

[الصهد]

المشاركة الأصلية كتبت بواسطة الأدميرال لاهنت يالصهد على النقل الحلو

لاهان غاليكـ وكلكـ
شرفني
مروركـ الاحلى والاجمل ــ

[ضوء القمر]

صح لسان شاعرهااااا
وسلمت الايادي على النقل
دمت بحمى المولى
ضوء القمر