ياسعد

[سعود بن سلمان]

ياسعد وش شاف مجنون ليلى بالغرام

أشهد انه وان بِلِي بلوته ياهونها

ياسعد ليلاه وان مات فيها مستهام

تدري انه بالهوى ياسعد مجنونها

المصيبه من غدى ميتٍ له كم عام

عشقته ماتدري انه قتيل عيونها

قرهدت نفسه عليها ومرّ الكبد زام

ودوك قلبه ياسعد مزّعته طعونها

ياسعد والله لولا الحيا واخشى الملام

والقرابه والحيا والهوى وجفونها

لاانهبه وانحاش واجلى جنوب ديار يام

ما يردن لو وقف جيش هتلر دونها

ياسعد راع الهوى بالهوى لاضيم شام

مايرده طول بيبانها وحصونها

وان غوى راع الهوى في هواها مايلام

لااجتمع غبن الزمن ياسعد وغبونها

ياسعد هي منوة اللي تمنى والمرام

لعن ابو حظٍ قصر ياسعد من دونها

أسمع الرعاد واخيل براق الغمام

بس مادري ياسعد وين وبل مزونها

وياسعد والله فلا اسلى هواها لاحرام

لو يلوح الشيب في لحيتي وقرونها

وخذ وصاتي ياسعد وصلّه بنت الحشام

ذي وصاتي كان غيري غدى مظنونها

لا شرت ثوب الفرح تشتري لي باع خام

يدفنوني ليلة العرس ويزفونها

خليل الشبرمى

[هدد]

سعود بن سلمان
نص متميز.ينم عن تميزذائقه

[سعود بن سلمان]

المشاركة الأصلية كتبت بواسطة هدد سعود بن سلمان نص متميز.ينم عن تميزذائقه

الله يسلمك

ولا عليك زود

تحياتى لك

[إبن ثعلي]

لاهنت يااخ سعود على حسن الإختيار قصيدة رائعه وصح السان شاعرها

[سعود بن سلمان]

المشاركة الأصلية كتبت بواسطة إبن ثعلي لاهنت يااخ سعود على حسن الإختيار قصيدة رائعه وصح السان شاعرها

ياهلا بك

وحياك الله

وتسسسسسسلم

[فوفو الطنايا]

ذوقك رائع..

والله انك خطير..

[الركــن]

سلمان

صح لسان الشاعر واشكرك على النقل

أخيك الركن