الحب ماله يابن الاجواد تقدير

[؛؛ابو ريناد؛؛]

نعود لكم أحبتي بعد غيبة بهذه المتواضعه التي راقت لي فلعلها تروق لكم

الحب ماله يابن الاجواد تقدير

عند الهنوف اللي تزايد دلعها

لمحت ابيها تسلك الدرب وتسير

لكن تغليها دمر مانفعها

طرد الهوى يتعب قلوب الغنادير

حتى الرجال قلوبهم ينتزعها

يابنت والله ماحسبت المخاسير

ضحيت لكن هامتي ماخضعها

بعثت لك عن صادق الحب تقرير

يحمل مشاعر صادقه ماخترعها

هجرت لعيونك حلا النوم والغير

واعطيت لك روحي وقلبي تبعها

كنت احسبك ورده تسوق التباشير

تتبع شروق الشمس وتميل معها

لكن طلعتي شجرة مابها خير

عز الله انه ماكسب من زرعها

هذا حصيل الي تعب دون تفكير

رهن حياته عند سبة وجعها

الحزن يدفع دمعة الشوق وتحير

حزني دفعها وعز نفسي منعها

رحال ماتعب لو تطول المشاوير

لو زاد حملي قامتي ماهلعها

يلومني شخصٍ ورد جمة البير

ماجف ريقه والمراره جرعها

مايدري ان هجوس قلبي طوابير

هواجسٍ تزري خفوقٍ جمعها

معجب عبدالله السليمي

[الأدميرال]

قصيده رائعه بكل ما تعنيه الكلمه
سلمت يابو ريناد

[الصهد]

هذا حصيل الي تعب دون تفكير


رهن حياته عند سبة وجعها


الحزن يدفع دمعة الشوق وتحير


حزني دفعها وعز نفسي منعها

حيه وحي ماجاب
وصح لسانك
والحمدلله على السلامه يابو ريناد

[عزيزة الجناب]

حياك يابورنياد

قصيدة رائعه

سلم بنانك

لاهنت

[{ أبوفيصل }]

ياسلام ابيات جميله واختيار أجمل صح لسان قايلها وناقلها

سلمت يابو ريناد سلمت

[ألعمده]

صح لسانك
اخي العزيز

[؛؛ابو ريناد؛؛]

شكراً للجميع على التواجد والله لا يهينكم

[الركــن]

الاخ أبو ريناد صح لسانك واشكرك على
هذه القصيدة الرائعه الله يحييك ولا تغيب عنا

أخيك الركن

[؛؛ابو ريناد؛؛]

المشاركة الأصلية كتبت بواسطة الركــن الاخ أبو ريناد صح لسانك واشكرك على هذه القصيدة الرائعه الله يحييك ولا تغيب عنا أخيك الركن

مشرفنا الغالي هلابك و الله لايهينك

[؛؛ابو ريناد؛؛]

المشاركة الأصلية كتبت بواسطة الركــن الاخ أبو ريناد صح لسانك واشكرك على هذه القصيدة الرائعه الله يحييك ولا تغيب عنا أخيك الركن

هلابك مشرفنا الغالي لاهنت ع التواجد