سعد براااااااك
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
من لاعتبرنى ليامن جيت مـا اعتبـره=
هاذي طبوعي وهاذي كلمـة السانـي
جربت فالوقت لين اخذت لـى خبـره=
من دور عوج السنين اللـي تحدانـي
انا ليـا زاد هـم القلـب مـن كبـره=
اطلقـت للريـح خفاقـي وجنحانـي
مؤمن وضيق الجوارح قاطـعٍ دبـره=
عاقل وكن السعـه بيتـي وريضانـي
دورات بقعا وصكـات الزمـن عبـره=
والدايـم الله وعمـر الادمـي فانـي
تبى تعـرف الفتـي فالشـدّه اختبـره=
لاجـات شداتهـا يظهـر بليهـانـي
يذرع معك فالقسا ويمـد لـك شبـره=
ويقول عدوان مـن رافقـت عدوانـي
وإلاّ الردى فالشدايـد يفتقـد صبـره=
يقصر عن الطايله ويمـوت خسرانـي
الـذل بيتـه وقـل المرجلـه قـبـره=
يرقص علي شاربه تسعيـن شيطانـي
اهل الردى والجحود ابخـوت منثبـره=
واهل الكرم والوفاء للطيـب عنوانـي
وين انت ياللي بصوتـك للغـلا نبـره=
عقبـك تغدانـي الوجـد وتعشـانـي
اشعب ذلول الطواري واكتـم العبـره=
اخـاف لا أعيـون حسـادي تقرانـي
كسر الخواطر بهجرك واللقـاء جبـره=
تعال وأجبر بوصلـك كسـر هجرانـي
اسرع ترى الجرح جرحك فالحشا وأبره=
عالـج حروحـك ودورّنـي وتلقانـي
وان كان مافاد فيك الشعر مـع حبـره=
ريّح ضميرك ولا تتعب علـي شانـي [/poem]
| 
|
04-08-2006, 08:39 PM
العرض العادي
