الموج الازرق جاكم الموج الازرق

[الأدميرال]

ااااااااااه
ياليلة البارح
وش حصلي
هذا الهلال ولايخيلي
هذا الزعيم ؟
وش ليلة البارح وش ذي السهره يااااه وش هالاعصاااااااب وش هالضغط
كل شي دماااار
هدف من بدايت المباراه قلنا عادي
الهدف الثاني ؟؟
الثالث انا بحلم ولا علم وش السالفه؟
الهدف الرابع ااااااااه مات حلم اسيا بداخلي كذا نطلع من البطوله بكل سهوله ليه!
يعني كل شي انتهى
قعدت افكر وش مصيرك ياهلال بعد ماطلعت من اسيا كيف بتكون بالدوري كيف لي نفس
اتابع اخبارك وش مصير اللاعيبه وش مصير الرئيس الهلالي وش مصير الجمهور والمدر ب كل هذي تسالات تدور بذهني وكنت انتظر هدف خامس للغرافه وانا اعصابي تلفانه وتحت ضغط نفسي رهيب وقول ليه ياجيرتس تحط خطه عشان يخسر فيها الهلال عشان تروح للمغرب ولا
فشلت في قراءته المباراه ولاولا...الخ
وبعد 116 ودقيقه
سبحان مغير الأحوال من حال إلى حال
قوووووووووول الكاسر نقزت من الفرحه ما امداني اجلس الا طلق المحيا ابوعتب يقول الثاني جاي مانيب مصدق يااااااااربااااااه انخفظ الظغط عندي >>>> عطوني ملح
قسم بالله ماصدق
شيء مجنوووون أعصابي راحت والله
يأست يأس مبطبيعي بس بـدقيقة تنقلب النّتيجية
حرام عليكم ياهلال اللي سويتوه فينا
مابقي فينا لا اعصاب ولا دم ولا شي
ليه سويتوا كذا فينا كجمهور وش سوينا لكم
انتم وش ناقصكم عشان تطلعون بهالمستوى
ما ابي احلل المباراة اسمحوا لي
اتكلم عن شعوري وعن الهلال قالها فيصل ابو ثنين اليوم حضر جمهور الهلال وماحضر الهلال

ويبقى الكبير كبير ياهلال
ويبقى الهلال الزعيم
لكل هلالي وهلاليه مبروك مبروك مبروك مبروك مبروك مليون مبروك ولا تكفي

اللهم لك الحمد والشكر لك يارب اللهم لك الحمد والشكر على توفيقك
اللي شفناه امس وخصوصاً في الاشواط الاضافية ماهي الا توفيق من المولى عز وجل

بقلمي

[سلمان]

اه يا البارح

مرت علي 115 دقيقه


وانا اضحك ضحك متواصل

واقول للي عندي

يبقا الصغير صغير

واقولهم قايلكم منتو كفو اسيا وتبون تفكرون في المونديال

لاكن تاتي الرياح بما لاتشتهي السفن

قعدت افكر وش مصيرك ياهلال بعد ماطلعت من اسيا كيف بتكون بالدوري كيف لي نفس اتابع اخبارك وش مصير اللاعيبه وش مصير الرئيس الهلالي وش مصير الجمهور والمدر ب كل هذي تسالات تدور بذهني وكنت انتظر هدف خامس للغرافه وانا اعصابي تلفانه وتحت ضغط نفسي رهيب وقول ليه ياجيرتس تحط خطه عشان يخسر فيها الهلال عشان تروح للمغرب ولا فشلت في قراءته المباراه ولاولا...الخ

كان بيصير طال عمرك لو خسر الهلال اربعه او خمسه صفر ان 85 % من جمهوره بيسحبون عليه وبتقول جماهير الهلال ان الامير عبدالرحمن بن مساعد اضعف رئيس للهلال مر على تاريخه
وبتقولون في الصفحات الزرقا ان جيرتس موب عبقري وانه يبي الهلال يستغنون عنه علشان يروح للمغرب وان ويلي ونيفيز موب مفيدين للهلال


والاهم من ذالك بنلقى في الصفحه الثانيه من الاخبار الرياضيه في جريدة الرياض خبر صغير مكتوب فيه خسارة الهلال فقط




هاذا كلامي كا شخص نصراوي صميم


واذا كنت بقول الحقيقه بدون مجاملات

قدم الغرافه مستوى اسطوري حقيقه

قريق خسران ثلاثه
يعني صار بعيد عن المنافسه نظرياً
يرجع فرصته با التاهل وينافس حتى اخر دقيقه
اما عن الهلال

اقول لهم مبروك لاكن عندي بعض الاشيا

اذا هاذا مستواي مع الغرافه في قطر والملعب كله جمهوري

فا الحين فيه اسئله كثير بيقدر يفوز على ذوب اصفهان في ايران

والنقطه الاهم عندي
امس

بانت الاهداف كلها من اخطا دفاعيه كبيره وخطيره

الحراسه خط الدفاع باستثنا اسامه هوساوي

لعب الهلال بدون رادوي وصفت الصوره للمشاهد عن اخطا خط الدفاع

النقطه الثانيه
ياسر القحطاني

الاخوه الهلاليه اغفلو ان اغلب اهداف الهلال من لاعبين خط الوسط

طيب وش فايده المهاجمين

صحيح ياسر امس جاب احد الاهداف واستبسل في دخوله للمرمى
لاكن شفنا هجمات كثير امس ضاعت من الهلال مدري وش اقول لاكن غريبه كيف تضيع
اما المحياني ماعندي تعليق عليه

لاكن الاعب ياحاول اثبات نفسه والرجال يحاول يبين للجميع انه صفقه ناجحه



المهم


ماعلينا

مبروك للمثل الوطن نادي الشباب


واقول لليوث عقبال العالميه

[الأدميرال]

[QUOTE=سلمان;1047365]هاذا كلامي كا شخص نصراوي صميم

نصراوي مبروك الفوز على القادسيه 3/1 ومنها ركلتين جزاء

الغرافة فريق جيد و قدم مباراه كبيره ولكن من باب الانصاف ايضا الهلال لم يظهر لاسباب عديدة منها الاصابات و الغيابات و ايضا اسلوب و طريقة المدرب والتي تعبر عن وجهة نظره واسلوبه
الهلال انتصر على حظه وهنا يستحق الفوز
مباراه امتزجت كل المناظر والكلمات في تلك الليله التي لا اعرف ما اسميها هي اجمل اوابشع مباراه
حزنت على ماحصل فالمباره الا أني أقول اللي حصل هو لقاح البطوله ويعطيني شعور بأن آسيا تقول انتظرك ياهلال
تاهلنا بفضل الله ثم بفضل الجمهور اللي زحف ور ى زعيمنا بكل وفا

وهذي لك موب للنصر

[اصايل]

ههههههههه


شدة اعصاب بس كنت متأكده ان الزعيم زعيم ^_^

[الأدميرال]

نعم الزعيم زعيم ولي تحقيق البطوله الكبرى يحتاج مثل هذا السيناريو

[.*إنـْسَـآن عَـآدِي*.]

/2

عموماً "الزعيم" لن يشرفنا في البطوله ,
وبالتوفيق للشباب السعودي ‘وهآردلك الغرآفة ,
وبربرتك الفآضية خلها عنك

[الأدميرال]

هههههههه
اجمل مافيك اسمك انسان عادي
وبما انك عادي كلامك
لا بيقدم ولا بيأخر
ناس كارهه الخير للغير
تشوفك ناجح تموت من الغيظ

[.*إنـْسَـآن عَـآدِي*.]

8
واجمل مآفيك انك رُتبه عسكرية ,
لاتنفع ولاتضر ~>يقصد اسمك مايقصدك :)
وإن شاء الله الشباب السعوديّ يرفع هآمت السعودية ,
والإنسان العآدي ليس إنسآن مُكتئب بل إنسان مُتواضع يامُتواضع

[الأدميرال]

جمهور النصر يحتل المرتبه الاولى بمرض الاكتئاب لكثرت الضغوط النفسية المتراكمة عليه من قبل فر يق الهلال الزعيم الاسيوي وقد يصاب المشجع النصر اوي بالحزن والهم والضيق والصعوبه في التركيز فيما يقوله وقد يصل به الامر الى الانتحار والموت اهون عليه من انه يرى الهلال فايز ببطوله اومباراه
والاعتقاد بأن أي إنسان عادي يستطيع تشخيص الاكتئاب هو اعتقاد خاطئ
ولأن ارى انهم بحاجه ماسه للوقف معهم ومساعدتهم والدعم لهم وهذا اعظم مايكون

[.*إنـْسَـآن عَـآدِي*.]

8
تصدق انك تذكرنيّ يوم كنت هلآلي متعصب ,
زيك بالضبط
بس الحمد لله الله هدآني للطريق الصوآب