هذه القصيدة للشاعر الكبير/ خلف بن هذال وهي قديمة جداً وتعد من نوادر أبو هذال وقد كتبها بجميع الحروف الهجائية،،،،،،، وحبيت أثري بها المنتدى والأخوة الغالين،،،
[frame="3 80"]([poem=font="Simplified Arabic,6,black,bold,normal" bkcolor="transparent" bkimage="backgrounds/23.gif" border="none,4,gray" type=0 line=1 align=center use=ex num="0,black"]
ألف) أولَّف للوليف رسالة=رمز المحبة تخبره عن حاله
و(الباء) بقلبي ثابتٍ منزاله=ماينمحي لو حاولوا يمحونه
و(التاء) ترى دمع العيون يهلي=هذي خطيه بيّنه ياخلي
و(الثاء) ثلاث سنين وينك قلي=والروح تحت أقدامكم مرهونه
و(الجيم) جرّيت الحشا بيدينك=وبضحكتك وبهرجتك وبعينك
و(الحاء) حسبت إني وحيد أخوينك=واثرك عدو ونيتك ملعونه
و(الخاء) خبرت أنك تبي تعذيبي=تبيني اطلع للخلايق غيبي
وأنا المعذب ماحدٍ يدريبي=والسر بيبان الضماير دونه
و(الدال) داو الجرح يادكتوره=الكبد من ضيم الدهر مخطوره
و(الذال) ذابت عيني المسحوره=مسحورةٍ في غرته وعيونه
و(السين) سيفه يذبح العشاقه=والردف ياخذ مقطعه عن ساقه
والشين شفته أمس شوف شفاقه=من عقب ذا المدة ياكثر زيونه
و(الصاد) صيطر عالنجوم العالي=قلبي يهوجس به لحيثه غالي
و(الضاد) ضرّ الحال واعزّالي=؟؟؟؟؟؟؟؟؟؟؟؟؟؟؟؟؟؟؟؟؟؟؟
و(الطاء) طواني طية القرطاسه=مااكثر تعاجيبه ومااقوى باسه
و(الظاء) ظبي الريم مثل أجناسه=وهو الغزيل والغزيل لونه
و(العين) عوّد يامظنة روحي=ماانتب على هاكالجفاء مسموحي
والله لو انه يشوف جروحي=الرمح رمحه والطعون طعونه
و(الغين) غرّتك الليالي فينا=وش فيك ياترف القدم ناسينا
و(الفاء) فراشك في كفوف ايدينا=؟؟؟؟؟؟؟؟؟؟؟؟؟؟؟؟؟
و(القاف) قامت ناركم تزدادي=واكثر حطبها من ضلوع فوادي
و(الكاف) كلٌ له هوى ومرادي=وانتم هوى بالي ورمز فنونه
و(اللام) لولاي استحي من زله=لاقول أنت الطب وانت العله
و(الميم) ماني قايلٍ لك قله=يامقرب المظنون من مظنونه
و(النون) نورك مثل نور الساري=اللي على هاكالجوا سماري
و(الواو) والله كل ماجا طاري=حبك بقلبي درةٍ مكنونه
و(الهاء) هوانا ماكشفنا اسراره=لكن اشوف أيامنا غداره
و(الياء) ياليت الحب له قباره=مثل الجنازة بالكفن مدفونه[/poem][/frame]
| 
|
04-03-2006, 12:07 PM
المواضيع المتشابهه
العرض العادي
