دوم زلاتي تصير

[فـهـد العتيبي]

جاتني وتقول خلي واحشٍ قلبــــــــــــي كثير
قلت وش شوقك مع الي من حنينه مات شوق

يوم قلته غارت وجــــــــارت حروفي بالنظير
واوصفت لي وش عطتني واتحدى في الفروق

قالت ادروبك ظــــــلامٍ تايهٍ فيها المسير
لين طلت لك عيوني وابتدى فيك الشروق

قلت ظللتك غمامي مادريتي بالهجـــــــير
كاسبه ظلي وانا الي امتلى ظهري حروق


قالت اخترتك وانا الي كم تقدم لي وزير
واختيارك معصية لعقــــلي وطاعه للخفوق

قلت رديتي وزيــــــــــــر وانا نصبتك أمير
منصبٍ ما كان جالك غير لا صرت معشوق

قالت انت أول وصالي وانت فالهجر الاخير
وآخري ما هو بجايك باسبقه لو هو سبوق

قلت ضيفتك شعوري واغتـــــذيتي كل خير
واهبك كلي وانا الي من عـرفتيني صدوق

قالت اعطيتك ســــمايه ماعدا طيرك يطير
وان مللت الجو حوِّل مسكنك في جوف موق

قلت سكـنتك فؤادي / قالت الموطن صغير
قلت اعطيتك عروقي / قـالت اشبه بالبروق

قلت صغر القــلب حجمه لكن احــيا له كبير
يفتنك ويذل غـيـرك ولا تهــــان له حقوق

والبروق الي بجــــــــــوفي فجَّرت مليون بير
شفتك اكثــــــــر من وردها ليه اقوالك تبوق


قالت اعذرني حبيبي
دوم زلاتي تصير
قلت محشومه حياتي
ما اشوفك غير ذوق

7
7
7
7
7
7

فهد العتيبي

[.*إنـْسَـآن عَـآدِي*.]

قالت انت أول وصالي وانت فالهجر الاخير وآخري ما هو بجايك باسبقه لو هو سبوق

صح لسانك شــاعرنا المبدع فهد العتيبي ونتمنى المزيد

لاهنت

الوآصل

[بنت الهيــــلا]

صح منطوقك ولاعدمنا جديدك الراقي

تحيآتي..

[فهيد مقعد الرويس]

صح لسانك

وعتلاشانك

يافهد

ابدعت لاهنت

تحيتي وتقديري

[اصايل]

صح لسانك ..

[رشة قلم]

صح لسانك فهد
نص تحسد عليه
شكرا لهطول قلمك وبوحك هنا..

[شويهينة الهيلا]

الله الله
صح لسانك مليون