السلام عليكم ورحمه الله وبركاته
عمر ٍ زل منه النصيفه ** مدري بقيلي في حياتي ليالي
ولا وصل راع الشداد ورديفه ** يالله يامعبود تلطف بحالي
إليا طفح شوفي وحسيت خيفه ** وليا خشيت الخطر وجضو عيالي
والتفت الساقين مثل الكفيفه ** واضفوا هدومي واتركوني لحالي
وجوني بصابونه وقطنه وليفه ** وتناقلو جسم من الروح خالي
وحان الوداع من الوليف لوليفه ** اغفر ذنوبي ياعزيز الجلالي
واجعل سجلات الخطايا نظيفه ** نويت اسوق القاف يوم إستوالي
سوق الركاب بخيزران ٍ صخيفه ** ماطوعوهن بالعصي الجلالي
شقر ٍ وبرها مثل غزل القطيفه ** بترا العضود مقطعات الحبالي
دعج العيون ملاعبات السفيفه ** جتني هواجيس الضماير هيالي
بيت ٍ أحذفه منه وبيت أضيفه ** وليا عرفت اللي عليا ومالي
وظيفه ٍ ياويها من وظيفه ** أخلص وأخلص قبل يرمى خيالي
والعز اخير من الحياه الكسيفه ** أهرج ليا قالوا تعيش الرجالي
واصمت ليا جت السوالف طريفه ** والطيب إللي يستحي من سبالي
غلاه عندي مايوصف وصيفه ** يرخص له المطلوب لو كان غالي
ودي يجيني ضيف قدام أضيفه ** وليا نويت الدرب ولا طرالي
أكره ترداد الحكي وتحريفه ** يازين رفقه ملحقين التوالي
دسمين الايدي يوم الايدي خفيفه ** ليا قربو شهب تبوج الرمالي
وكيلهن عبد اللطيف وخليفه ** تنحروا وادي ِ من الوسم سالي
مسيول من تالي ربيعه وصيفه ** فيه الحباري والقطاء والغزالي
طعس وجلد ومريقبات ٍ منيفه ** وصلو سوا مافيهم أول وتالي
العصر يوم الظل ميل شغيفه ** واحد ٍ جلس عند الحطب والدلالي
دث الوجار وشغله الكيف كيفه ** واحد ٍ بدا بالطير في راس عالي
الطير فارس والمدرب خليفه ** وأهل السبر تنحروا للجبالي
وحطو خشوم الضلع من كديفه ** وعصير لين ً المشوك يلالي
وطير السعد ماتسمع إلا رفيفه ** وطاح العشاء من كل جو موالي
البعد عن قوم النفوس الضعيفه ** هذاك والله يابدر شـف بالي
هذه القصيده
لها وقت طويل لدي ولا اعرف شاعرها
اعجبتني عسى ان تنال اعجابكم
واللي يعرف شاعرها الله لايهينه
يذكر اسمه
تحياتي للجميع
| 
|
06-23-2010, 07:50 AM
العرض العادي
