هذه قصيدة غزلية بعد مراسلة من أحد الزملاء يشكو هجر خليله ورحيله، فسطرت هذه الأبيات وأرجو أن تخضع لإعجابكم/
[poem=font="Simplified Arabic,5,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=1 align=center use=ex num="0,black"]
تهيض خاطري لاجل القصيدة=بعد ماغاب والغيبة تفيده
مضى عامين والضيقة بصدري=كما نارٍ بشعلتها وقيده
رسالة صاحبي صابت ضميري=معانيها على العاشق عميده
يقول اني ثلاث سنين كني=سجين الوقت ودياره بعيده
شكالي من غرام اللي هواها=وبـيح لي رسايل من بريده
يقول اني فقدته قبل مدة=رحل واقفى وعذبني شديده
وصرت اليوم ياخير الرفاقة=كما من ماتت امه يوم عيده
وجاريته على زين المعاني=وانا مثله فقدت أغلى فقيده
فقدت اللي لها في القلب مبنى=هوت بالقلب واحتلت وريده
لها في داخل الخفاق منزل=وفي صدري خزاين من رصيده
انا بنخاك ياخالد وانادي=دخيلك من فتاةٍ لي عنيده
دخيلك من فتاةٍ عذبتني=وخلت عيشتي صارت نكيده
هذاك اللي عيونه ساحريه=وفيها العين خلابة فريده
وصدره مثل نور البدر ساطع=وجيدٍ مثل جيد الريم جيده
افكر فيه واحتارت هجوسي=ونار الفكر في صدري تزيده
تعذبت ولقيت القلب عاشق=مولع في غرامك ياوديده
ترى حبك سكن قلبي وروحي=وعذبني ولا ودي أعيده
أقوله صادقٍ في حب خلي=انا صادق وانا اقوالي سديده
علامك بعد كل الحب تجرح=وتتركني ولا فيني نقيده
علامك ترفع الراية لغيري=وانا شاريك من ناسٍ عديده
علامك ترسل السيف المهند=بدون الغمد ياراع الجويده
علامك تهجر الوافي وتنسى=غرام اللي له أيامٍ مجيده
علامك طاحت أعلامك وراحت=معالمها مع العالم شريده
وياخالد هجرني ماتعذًر =وانا لامالت الدنيا عضيده
وخلاني على سود الليالي=رهينٍ للسهر هذا حصيده
أنا وش جابني للعشق وأهله=عذاب القلب والعالم شهيده
ألا ياحظ من عاش متهني=وعاش العمر وايامه سعيده[/poem]
| 
|
03-12-2006, 04:17 AM
صح لسااااااانك ولا هنت،،،،،،،
المواضيع المتشابهه
العرض المتطور
