ودي بمرقا الرجم برض(ن) زراجـي

[نوف]

[align=center]

ودي بمرقا الرجم برض(ن) زراجـي
في ديرت(ن) فيها لوايح مـن النـوق
والجو صافي مـا صفقبـه عجاجـي
والوسـم جايلـه تخافيـق وبــروق
لاجـاء لبـراق السحـاب اللتعاجـي
وحدر على الصمان والصلب وعـروق
سيله يشيـل اغثـاه فـوق النواجـي
واخضر وجوك مشفح البدو من فـوق
ودي مع اولهـم بشقـح(ن) رواجـي
هزعا لها خرطوم يزها لهـا الطـوق
ما هيب مدبحت(ن) هديف(ن) سراجي
سنامهـا كنـه عـن المتـن مفهـوق
تطـرب ليـا سمعـت وداه ولجاجـي
ماهيب ملح(ن) تمرض القلب بالسـوق
من رجلهـا الصـدام فيـه انعواجـي
وعبيسها عليـه مـن قـدم ملصـوق
وليا حصلي سجه وربـع(ن) هجاجـي
من برقا ون نحـوا عنـك مـن روق
اللـي سوالفهـم مـاهـي بتنـاجـي
اهل وفـا مـال القفـا عندهـم بـوق
هذا مزاجـي ولاش غيـره مزاجـي
الا ليا عـرض مـن النـاس مخلـوق
تـوه علـى الزمـه نهـوده لواجـي
هايف حشا ملهـوف والعنـق منتـوق
يغض برمش العين خـدر الحجاجـي
وله غرت(ن) عنها اشقر الراس مفروق
ممشـاه مـا بيـن الدلـع والغناجـي
ولاهو بمرجوجن(ن) ولاهو بمطفـوق
ياعنك مانـي مـن صوابـه بناجـي
هذاك ياغـازي لـه القلـب مفتـوق
مفتوق فتق(ن) في ضميـري وساجـي
ومن لامني جعله على الخد مصفـوق
بيض النحور اللـي غـدن بالخفاجـي
معهن لطراد الهـواء سحـر مسحـوق
ليـا اقبـل(ن) عذابهـنـه يفـاجـي
وليا ادبرن ارداف واجسـام وعنـوق


منقوول[/align]

[عزام الوسمي]

ررررررررروعه القصيدة <<< الناطقة عن بيئة بدوية قحة<<<<<<

يسلمو على الذوق الرفيع واللي ما هو مستغرب منك <<<<

بنت الذوق لك كل التقدير <<<<<

[إبن ثعلي]

ماقصرتي يانوف قصيدة رائعه
تحياتي

[عتبااان]

نوف

دايما لك السبق على الاجمل

شكرا لك على هذا النقل الرائع

احب النوع هذا من القصايد

وافضل المغاتير على المجاهيم مثل شاعر القصيده


ونعم بروق وبرقا


وعتيبه كلها


صح لسان الشاعر


وتحياتي لك عزيزتي

[اخو من طاع الله]

ما قصرتي يا نووووف قصيده رراائعه

الله يعطيكم العاافيه

[نوف]

[align=center][align=center]
عزام تسلم على مرورك العذب

لاعدمتك يالغالي

دمت سالما

[/align][/align]

[نوف]

[align=center]

ابو عبدالرحمن شرفتني بمرورك

لاعدمتك واشكرك على تواجدك

دمت شامخا

[/align]

[نوف]

[align=center]

عتبان أمام اسمك اقف على مشارف

الفخر وكلماتك أوسمه أعتز فيها

اشكرك على تواجدك

[/align]

[نوف]

[align=center]
عبدالله اسعدني مرورك العذب

واشكرك على تواجدك

دمت سالما

[/align]