[align=center][glint]الـــشـــاعـــر / مـــحـــمـــد الـــقـــثـــامـــي[/glint]
[glow=FFFFFF][poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غاب ابوه اللي يضمّـه .. ولابقيلـه غيـر امّـه=
أم عـن أُمّـه بْكُبًرْهـا . وكـل طيـبٍ تحتويـه
كلها عطف وامومه .. شالـت الوقـت بهمومـه=
وِدّهـا تسعـد ولدهـا . بـايّ شـي وتحتميـه
أمّنت له كل شـي .. وحبـه ابهـا نبـض حـي=
ولو طلبهـا ماطلبهـا . سـاع يطلـب تشتريـه
كافحت في هالحياة .. وسـوّتِ الْـه المعجـزات=
ولـن تأخـر ماتنـام . الليـل كلّـه تحتـريـه
تبكي والدمع يغشاها .. وتمسحـه لامـن جاهـا=
ماتبيه يشـوف دمعـة . حـزنَ اَلْمَهـا يكتسيـه
ومن بعد ماشبّ عوده .. واستوى وكبرت عضوده=
وصار متزوج بعذرا . ( لا) معاها تصيـر ( إيـه)
نسّتـه امٍّ وفتلـه .. يـوم الاجـوا ماصفتـلـه=
لا وقالت لـه انـا ابغـا . بيـتٍ امّـك ماتجيـه
كيف أصير بّبيتي حرّه .. وانا اشـوف الأم ضـرّه=
وخططتله ودبرتلـه . وسـوّى كـلّ اللـي تبيـه
ولن شخصيته ضعيفه .. وامّـه اشبـه بالكفيفـه=
ماتوانـا لـو دقـايـق . يـطـرد امٍّ ترتجـيـه
وقام سوّا له جريمه .. وشالهـا شيلـة غريمـه=
وعقب وصّلها الرعايه . صوتت لـه هيـه هيـه
ياوْلِدي وين انت رايح .. قالتـه والدمـع سايـح=
والتفـت فيهـا ورد . بــرد متنـكّـر سفـيـه
قال انا رجال تاجـر .. منشغـل بيـن المتاجـر=
وان بغيتينـي بحاجـه . هـذا رقمـي واطلبيـه
ولجل ماتجرح شعوره .. طاعته بامـره وشـوره=
وابتعـد عنهـا وقفّـا . وكـلّ ماسـوت نسيـه
وهمّل امّه ياحسافـه .. وصـد واعلـن انحرافـه=
وصـار مايسـأل عليهـا . ولاتلاقـوا بالوجيـه
والا هي يوم ادْخَلَوهـا .. بالرعايـه وِانْشدوهـا=
قالـت بنبـره حزينـه . اولـدي والله يهـديـه
عنده اشغالٍ كثيـره .. وكـم محـلٍّ هـو يديـره=
وعاذرته بمافعـل بـي . دام مامـره فـي يديـه
ومن ولعها فـي ظناهـا .. كـلّ هـمٍّ اكتساهـا=
واصبحت في وضع مؤسف . وضع ماتحسد عليـه
وضع كلٍّ به تأثر .. عاشت ابـه اسبـوع واكثـر=
لين روح الطهر فاضت . من جسد طاهـر نزيـه
وحلمها اللي في ولدها .. لاكبـر يكبـر سعدهـا=
مـات لحظـة كفنوهـا . ولابقـا ياكـود لـيـه
ليـه همّلهـا وجفاهـا .. وليـه ماقـدّر وفاهـا=
وليه يقتل حلمها اللي . من زمـان تعيـش فيـه
ليه وكم من ليه مرّت .. فـي خيالـي واستقـرّت=
شرقتبي وغربتبي . وصـرت فـي حيـره وتيـه
والله ياعالم مصيبـه .. وواقعـه فعـلاً غريبـه=
منها تبكـي كـل عيـن . وينجـرح قلـبٍ نبيـه
ولكن الكلمـه الأخيـره .. رددوهـا بكـل ديـره=
وقولوا ( من يبغا رضا الله ؟. يطلب ارضا والديه )[/poem][/glow][/align]
| 
|
01-14-2006, 01:07 AM
العرض المتطور
