اشوفكم على خير يا اخوووواني

[اخو من طاع الله]

السلام عليكم
والله من اصعب امور الحياه فراق من احببته ولكن لكل لقاء فراق
والله ما عندي خبر متى ارجع لكم انا من يوم السبت وقتي ما هو علي كيفي وما هو بيدي تحت رحمة مدربين الصاعقه بعد الله سبحانه وتعالى
اتمنى منكم الدعاء لي بالتوفيق والخروج من دورة الصاعقه وانا بصحه وسلامه
ابن ادم ليس معصوم من الخطا واذا وجد من غلطت عليه فليقبل اعتذاري وتأسفي
اخوكم وولد عمكم
عبدالله الحافي

[فهد العايضي]

وش هالخبر ياعبدالله

ماهو على كيفك تعلقنا فيك وبعدين تجي تقول مع السلامه

...............................

لاصار الأمر ماهو بيدك وبيدينا مانملك إلا الدعاء لك

بس عندي سؤال كم فترة الدوره ..؟

واللي أعرفه إن دورة الصاعقه قبلها دوره تأهيليه

يعني على كذا بتطول الغيبه ياعبدالله

بس لا أوصيك برفع المعنويه ترى لها دور كبير ..

أسأل الله لك التوفيق دنيا وآخره

وأن تجتاز هذه الدوره بنجاح

وترجع لنا سالم وغانم إن شاء الله

[طالع]

الله يوفقك ياعبدالله

خلك صنديد واوصيك بتقوى الله الله يستر عليك من التنكس من الطيارات

ياعبدالله اذا كانت الروحه من اجل ظروف فانت معذور اما اذا كانت لغير ذلك فلست بمعذور

الله يردك سالم

وياليت تعلمنا كم الفتره

[حسام هوازن]

تروح وترجع بالسلامة

يــ عبدالله

دمت بألف خير

[اخو من طاع الله]

مدة الدوره 11 اسبوع ثلاث اسابيع رفع لياقه وثمانيه اسابيع صاعقه
اتوقع اني اشوفكم كل خميس وجمعه بس
لا توصي ولد روق يا طالع ذيب لا تخاف عليه
اتمنى لكم التوفيق

[خالـد]

يوووووووووووووووووه

الله انه يوفقك ويستر عليك ويسدد خطاك من قلب صادق يتمنى لك التوفيق

والله العظيم لك وحش الله العالم فيها وفراقك صعب ونتظرك بأذن الله وانت مخلص الدورهورافع الراس

تحياتي لك يالغالي

[عاااشق نجد]

الله يوفقك وتجتاز الدوره بنجاح واذا تخرجت سو اللي تبيه ابن امه اللي يقدر يجازيك لا ضابط ولا غيره

[(اجمل احساس)]

يوووووووووه

حرام عليك 11اسبوع

ونشوفك خميس وجمعه

اخر شي كنت اتوقعه

مااقول الا الله يوفقك ويردك لنا سالماغانما

[ابوسـعد]

محبوب الكل مع السلامة..ومادام فيه مصلحه لك ولوطنك الغالي..فالدعاء اقل ما يقال لك,,,وفقك الله...وياهلااااااا

[أبونايف]

والله هذا مو خبرررررررررر يا بو عااابد !!
لكن قلوبنا معك يا عسسسسسسسسسسل
وعزانا الوحيد انك راح تكون معنا خميس وجمعة

الله يوفقك يابو عااابد ، والله يعينا على هالـ (11) أسبوع ..
وإن شاء الله نتلاقى ...

أخوك/أبونايف