شيخـة القصيـد للشيـخ مشعـان بن مغيليـث الهـذال العنـزي

[ولـ الويـلان ـد]

هذه شيخة القصيد التي قالها الشيخ مشعان بن مغيليث الهذال شيخ مشايخ عنزه حين مانخاه ابن عريعر شيخ بني خالد...
وجا من الشمال لنجد لنجدة ابن عريعر وقال هذه القصيـده:





يالله يـا مديـر الهبايـب والادوار
شانك عسى تصريف شانك لنا خير****
يالله يـا عالـم خفيـات الاسـرار
يامعتنـي بالخلـق وال المقـاديـر****
قلته ونوم العين عن جفنهـا طـار
والقلب كنه فوق حامـي المجاميـر****
جانا الخبر يالابتـي وليـت الـدار
سكانها الاجناب هـم والبقـا قيـر****
من عقب ماحنا بها مثـل الاسـوار
نامر وننهي نحمي الجـار ونجيـر****
من عقب ما كنا بنجد كمـا الطـار
نقطع بها شر وناصـل بهـا خيـر****
حنا الذي ترجع لنـا كـل الاشـوار
لاصار بالقـالات شـوار ومشيـر****
حامينها في لابـة تسقـي الامـرار
عدوهـم مـا يحتسـب للمخاسيـر****
لابد مـا ناتـي لا بـا نـات زوار
باسلاف عجلات تعـدا المضاهيـر****
يهومن هومات بعيـدات واعسـار
وكم ذيرن من غافـل مابعـد ذيـر****
وكم فاجن العدوان غرات واجهـار
الى انتون كم يسبقن مـن معاميـر****
ظعايـن حطـن ملـكٍ بسنـجـار
وبنن على الخابور زين الدواويـر****
وتواهلن الزورحصـن لهـن كـار
ومن البطين الى الرها لـه معابيـر****
وكتن مع الحاوي وداجن بالامصـار
وجابن خفارتهـن بفكـر وتدبيـر****
وحطن على السلمان طيحات الامطار
وصارت لهن لينه وخضرا مصادير****
ومالن على رجم الهيازع وسنـا ر
وجابن حلال المحمره من ورا النير****
وراجن على الشنبل وداسن الاخطار
وهدن بها العاصي بيسـر وتيسيـر****
ثم انتحن مـع كفـة الشـط عبـار
وهاجن وماجن فوق رؤوس العناقير****
واقفن وكالن من شثاثـا بالاسعـار
وحطن لملـوم المسمـى مسابيـر****
واقطعن ينون الخطايـط والاقفـار
وكم طيرن جول الحباري مخاميـر****
وخلن فوق الشبك عج الرمك طـار
وحلو هاك اليـوم خـز المعاشيـر****
واركن على ورد الدجاني لهب نـار
وغدوبها الويـلان مثـل المداويـر****
وشدن وحطن الثمامـى بالايسـار
وخلن على المطران مثل المعاصيـر****
سارن بنا الزرفات باقبـال ودبـار
من غوطة الفيحا الى غشلة الديـر****
نروم من زيـن المنـازل ونختـار
ونستارد الخـوه بحـدب البواتيـر****
الياما نخونا اللي على نجد حضـار
وجانا كتاب من زبـون المقاصيـر****
من ماجد ابن عريعر حـر الاوكـار
يقول وليـت داركـم يـا لمناعيـر****
الشيخ اللي حيف على البيض بالغار
يقول حل بداركـم حـرب ومطيـر****
وجيناه مثل السيل طمـام الاوعـار
الياما غدت عنه البـوادي شعاثيـر****
اولاد عـم ولا بنـا قـول شبشـار
وشيخ لنـا عنـده جـلال وتقديـر****
اولاد عم ومـا حذانـا لهـم جـار
وحنا عليهم نحمي الجـار وانجيـر****
حنا شبات الحرب وان شبت النـار
وتوايقـت بيـن الحنايـا الغناديـر****
حنا بنـي وايـل بعيديـن الاذكـار
اليا تناخـوا بالجمـوع المشاهيـر****
حنا هل الجمع المسمى اليـا سـار
بمركاضنا يشبع به الذيب والطيـر****
وين انت ياللي تايهه منك الابصـار
جيناك حوله من شثاثا وابـا القيـر****
هج الحريبـي مـا لقينـاه بالـدار
زبن على الحره وذيـك الشناخيـر****
باغي عليهم صايرن مثل ما صـار
ذبح الشفايـا واغتنـام الخواويـر****
كسيرة مـا قـط ذكـرت بالاذكـار
فيها القلايع مثـل روس الخنازيـر****
صحنا عليهم صيحة باللقـا الحـار
حتى جبرناهم عـن الـدار تجبيـر****
لولا شفاتي فيـك يانجـد مااحتـار
فكـري ولاكثـرت علـي التفاكيـر****
لولا شفاتي فيـك ماجيـت مـرار
نادى نذيرات الهواجيـس وانديـر****
واندير حيـلات بالاريـا وتبصـار
وارجي من الباري عساها مسافيـر****
نجـد جفتنـا وكـل دار لـنـا دار
ماهي معافه ميـر جـوع ومداهيـر****
قطعاننـا ترعـى زماليـق نــوار
اليامـا غـدا فـوق الاباهرقناطيـر****
مابيـن مسنـاد ومابيـن محـدار
ياما قطعنا بدربنـا مـن مشاويـر****
وياما ركبنا بالسرا قب الامهـار
وعيرات الانضا كنهـن السنانيـر****
نعتاض عن دار عليها الدهر جـار
ديد العسل فيهـا تعيـش المفاقيـر****
مثل المسوح اللي ترزم على حوار
دار مريه بالشتـا تسمـن الضيـر****
دار بها بالقيض غـدران وانهـار
والتمن المجروش ملـي الجواخيـر****
وصلاة ربي عد مـا بالسمـا طـار
وعداد ما وردن ظمايا علـى البيـر****
على الرسول المصطفى سيد الابرار
نور العباد اللـي يشيـع التباشيـر

[إبن ثعلي]

ونعم بأولاد وائل ومشكور ياولد الويلان
لكن اليوم الحمد لله الجميع اخوان في
ظل العهد السعودي الزاهرتحت حكم
خادم الحرمين الملك سلمان ادام الله عزه

[ولـ الويـلان ـد]

المشاركة الأصلية كتبت بواسطة إبن ثعلي ونعم بأولاد وائل ومشكور ياولد الويلان لكن اليوم الحمد لله الجميع اخوان في ظل العهد السعودي الزاهرتحت حكم خادم الحرمين الملك سلمان ادام الله عزه

معليـك زود..
وكلامك صحيـح وبمحله
ولاهنت شرفتنـا بمشاركتـك

[عبدالعزيز بن حشيان]

ولد الويلان


تسلم يمينك على النقل والاختيار الرائع

[ولـ الويـلان ـد]

المشاركة الأصلية كتبت بواسطة عبدالعزيز بن حشيان ولد الويلان تسلم يمينك على النقل والاختيار الرائع

تسـلم ياعبد العزيـز وشـرف لي تعليقـك .