لغز صعب { محلول من همس النسيم } صح الفكر ويسلم تفكيرها

[{ أبوفيصل }]

السلام عليكم ورحمة الله وبركاته
لغز عساه ينال الرضا


[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
وشهي اللي عمرها عمر الشبب =غصب راحت مدري راحت بالرضا
ليلةٍ صارت مثَل مدري سبب =والثمن مشروط لأمرٍ قد قضا
من فدايا شيخٍ يحل النشب =فدوةٍ للَّي على عوص النضا
احتداه الوقت وسلَّم مااحتسب =لجل لقمة عيش في وقتٍ مضا



[/poem]








.

[{ أبوفيصل }]

هو ليه كذا المنتدى

فوق الميه زوّار

واللي يشارك ابوعمار

[إبن ثعلي]

اللغز هذا دسم وما هو صعب وان شاء الله
نجيب خبر البنت يابو فيصل جاري البحث عنها

[همس النسيم]

وعليكم السلام ورحمة الله وبركاته
صح لسانك يابو فيصل
يمكن اللغز فعلا صعب علينا يالبنات لكن
على الرجال أمثالكم يجيبونه
خاصة اذا كان اللغز يتكلم
عن قصة أو مثل من الامثال المشهورة

[{ أبوفيصل }]

صح بدنكم وحياكم الله ياهمس النسيم
اللغز ماهو شرط كل الرياجيل يعرفونه اكثر منكن
أنتن كذلك مطَّلعات على القصص والامثال
عموماً كلنا مالحقنا على هالسالفه ولا على المثل لكن مرّت علينا وسمعناها

[إبن ثعلي]

هذه بكرة ابن ثعلي يوم ضافه الذويي شيخ من شيوخ حرب
وراح يدور لهم شاه ولا وجدها وعود وذبح بكرته وكان ذوده خمس
نياق فقط وانشد شاعرهم يقول:-
يوم ان ابن ثعلي سرى مالقى شاه - الذود خمس وطب فيهن واختار
ذبح لنا حمرا ردوم محلاه = وراحت علينا من ليال أبو سرار

[{ أبوفيصل }]

المشاركة الأصلية كتبت بواسطة إبن ثعلي هذه بكرة ابن ثعلي يوم ضافه الذويي شيخ من شيوخ حرب وراح يدور لهم شاه ولا وجدها وعود وذبح بكرته وكان ذوده خمس نياق فقط وانشد شاعرهم يقول:- يوم ان ابن ثعلي سرى مالقى شاه - الذود خمس وطب فيهن واختار ذبح لنا حمرا ردوم محلاه = وراحت علينا من ليال أبو سرار

ونعم بربعنا علومهم كلها غانمه

القصة هذي اللي اوردتها قريبه من اللغز وحله

لكن اللي يفرق ان القصة المقصوده اشتهر فيها المثل اللي جاء من واقعها ،

والرمعه الثانيه ماااااالك لواا

بأنتظااار الحل

[إبن ثعلي]

وهذه رمعة أخرى يابو فيصل


يا من يبشّر بأريش العيـن راكـان

حنـا شريّناهـا وكمّـل نشبهـا

[إبن ثعلي]

لا تكون شيخة الرخوم
قصة علي بن لبدان اللي كتب على
سكينه قاتل مئه ومعتق ميه؟

[همس النسيم]

باع الكحيله بعشا ليله
هي اللي باع فرسه يوم احتد. يبي يعشي ضيفه. وبيعته من شان عشاء