عالية: نجد

[عيد بن شده]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياليتني في عالية نجد سجيت=في ديرةٍ بين الجحادر وبرقا
غربٍ من الزيدي بذيك السباريت=ومن جفرة الصاقب على الوصف شرقا
مادوجوا فيها عصير الكواشيت=ولا حرقوا باق النفايات حرقا
يدله بها اللي في ضميره تناهيت=من غايت الوجدان مدروق درقا
ينساح بالي كل ماشفت ووحيت=معزوفةْ الجندب على صوت ورقا
ياما مشيت ابها وياما تحليت=اضعان بدواً تيهوا كل طرقا
بدواً لهم صولات في نجد يابخيت=ويفرقون مولع الحب فرقا
انا اشهد اني في مناهلهم اشفيت=يسرق غلاهم مهجت الروح سرقا
[/poem]


عيد بجاد بن شده


وهذي المجاراه من /
وصل الله بن عجلان العالي



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا عيد سج وسج بي معك لانويت=وأنعش قلوباٍ في هوا البدو غرقا
امشي معك ياللي بشفك تمشيت=واخيل من نو الحيا كل برقا
عديت في راس الطويلة وعديت =ترقا على روس النوايف وانا ارقا
وقمت أتمنى مثل مانته تمنيت=هاضت شجوني وأطرق الباب طرقا
احضر هجوسي وانحت من الصخر بيت =ولا أهاب صعب الدرب لو هو معرقا
ذكرتني مدهال ربعٍ لهم صيت=رماحهها تزرق بها الخصم زرقا
واليوم باقي حيهم يتبع الميت =ما بينهم في موقف العز فرقا
عز الله اني من جفاهم تجافيت=وبيض الورق من دمعة الحبر زرقا
[/poem]



وصل الله العالي

[إبن ثعلي]

صح السانك يابن شدة وصح السان وصل الله العالي

[عبدالعزيز بن حشيان]

ابو فهد

صح لسانك ولسان وصل العالي لكم ختم التميز والتقييم

[عيد بن شده]

ابن ثعلي لاهنت وصح بدنك





الكسر لاهنت وصح بدنك يابو خالد