لــــغز للعباقره وأهل الخيال الواسع ( محلول من عامر الروقي ) صح لسانه

[فهد الماو]

[poem=font="arial,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رجلا صميدع من كبار المشاكيل=أرعن وباذخ من طوال الغوارب
رجلا وقور وخاشعا بالتراتيل=عابد وساجد مفتكر بالعواقب
من هيبته في وقفته يزحم الليل=والريح فوق عمامته والمناكب
ماخايله راعي النظر بالدرابيل=من حدر لمع البرق حمر الذوايب
ورجلا نظرله شاف فيه التهاويل=أهتز قلبه يوم شاف العجايب[/poem]

[إبن ثعلي]

الظاهر انه خيال المطر اذا برق ورعد

[فهد الماو]

المشاركة الأصلية كتبت بواسطة إبن ثعلي الظاهر انه خيال المطر اذا برق ورعد

أبن ثعلي وين المطر والرعد ركب اللغز على الخيال والمطر والبرق والرعد مايركب

أقول الظاهر إنا ضالمين أبو فيصل ههههههههههههههههههههههههههههه

لاتزعل على ياطويل العمر تراني أحب أمزح مع الرجال اللي شرواك

والرمعه بعيده ،، فعلا اللغز فيه خيال شعري يحتاج اللي يبحر بمعنى الأبيات وتراه سهل

[{ أبوفيصل }]

صح لسانك يافهد على هذا اللغز الشاعري والجزل والرائع

جااااري التفكير ولي عوده بأذن الله

[فهد الماو]

المشاركة الأصلية كتبت بواسطة { أبوفيصل } صح لسانك يافهد على هذا اللغز الشاعري والجزل والرائع جااااري التفكير ولي عوده بأذن الله

حياك الله يأبو فيصل مادام اللغز أعجبك الشهاده منك نعتز بها وتشرفنا وأنتظر عودتك بالرمعه الصائبه لاهنت

[عامر الروقي]

فهد الماو
صح لسانك وبيض الله وجهك ولاهنت
وش رايك
الجبل الشامخ

[فهد الماو]

المشاركة الأصلية كتبت بواسطة عامر الروقي فهد الماو صح لسانك وبيض الله وجهك ولاهنت وش رايك الجبل الشامخ

عامر الروقي صح بدنك وحلك شامخ كالجبل نعم هو كذلك بيض الله وجهك على الحل الصحيح

إذا فيه إستفسار أو رأي أتشرف بذلك من الجميع وتحياتي للجميع

[عامر الروقي]

المشاركة الأصلية كتبت بواسطة فهد الماو عامر الروقي صح بدنك وحلك شامخ كالجبل نعم هو كذلك بيض الله وجهك على الحل الصحيح إذا فيه إستفسار أو رأي أتشرف بذلك من الجميع وتحياتي للجميع

اخوي فهد
ماعليك زود ولي الشرف في حل لغز من نظم فهد وشرواه
تقدير واحترام

[شاعر الحرية]

صح لسانك يا عزيزي فهد
وبيض الله وجهك على هذا اللغز الشامخ بشموخ صاحبه

حقيقة قد وردت رمعة الجبل على الخاطر وكذلك البحر
ولكن سبق السيف العذل وقضى عليه أبو ناجي حفظه الله
فنبارك له هذه الرمعة القاضية والموفقة

وهاردلك يا أبا عبدالرحمن .. خيرها في غيرها

أتمنى منك يا عزيز بدون أمر عليك أن تقوم بشرح اﻷبيات لو شرحا يسيرا حتى نستفيد جميعا
وخصوصا قولك ( مفتكر بالعواقب )

♡ هذا وللجميع مني أطيب التحايا وأعطرها ♡

[فهد الماو]

[QUOTE=فهد الماو;1252744][poem=font="arial,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رجلا صميدع من كبار المشاكيل=أرعن وباذخ من طوال الغوارب
الجبل مذكر والرجل الداهيه يقال فلان جبل ـــ أرعن يعني متعال ــ براذخ ضخم والجبل غالبا يكون طويل
رجلا وقور وخاشعا بالتراتيل=عابد وساجد مفتكر بالعواقب
الجبل مهاب ويسجد لله ويسبح ـــ الجبال من خلق الله وعاقبه الخلق للزوال الجبال ينسفها الله بقيام الساعه يعني كأن الجبل يعلم نهايته للزوال بأمر الله عز وجل
من هيبته في وقفته يزحم الليل=والريح فوق عمامته والمناكب
الجبل كأنه ليل أسود ضخم وكأنه يزاحم الليل في مكانه ــ الرياح يصدها الجبل وترتفع عنه وتبدد يمينا ويسار وأعلى
ماخايله راعي النظر بالدرابيل=من حدر لمع البرق حمر الذوايب
بمعنى لايحتاج دربيل لمشاهده الجبل وكأنه متجلى وشاهق ـــ هذا منظر يحتاج لتجربه عندما يبرق البرق ويضيء من خلف الجبل كأن تشاهد رؤوس الجبال كذوائب الحمر بلحظة وميض البرق
ورجلا نظرله شاف فيه التهاويل=أهتز قلبه يوم شاف العجايب
موسى عليه السلام طلب من الله عز وجل أن يراه فخاطبه الرب فقال أنظر للجبل ـ وتجلى الله عز وجل للجبل وتناثر الجبل كرماد فصق موسى وسجد لجلال الله رهبتا وخوفا

أتمنى أن الشرح مقنع وكافي وأوصلت للجميع وصفي بإقناع وأتمنى انني وفقت بذلك تحياتي للجميع