لغز حاضر بحاضر ( حلته عهود ) صح لسانها

[{ أبوفيصل }]

السلام عليكم

لغز اللحظه عساه يحوز على رضاكم وتفقعون وجهه

.

[poem=font="Simplified Arabic,7,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ياويش بنتٍ حارت بدرب ابوها =تثبت وتاقف في نهاية طريقه
بنتٍ على وقفاتها مانفوها =من يوم أبوها في ذراه الحقيقه
[/poem]

.

.

.

[فهد الماو]

صح إلسانك يأبو فيصل ماشاء الله عليك

وش رايك بالإبره والسلك أو اللغز والرمعه

[{ أبوفيصل }]

المشاركة الأصلية كتبت بواسطة فهد الماو صح إلسانك يأبو فيصل ماشاء الله عليك وش رايك بالإبره والسلك أو اللغز والرمعه

صح بدنك يافهد والله يبارك فيك أنشغلت بالرد على تسائل شاعر الحريه هناك

الرمعتين مااالك لواا

[همس النسيم]

وعليكم السلام
صبحك الله بالخير يابو فيصل
وشكل اللغز انتهى

[{ أبوفيصل }]

المشاركة الأصلية كتبت بواسطة همس النسيم وعليكم السلام صبحك الله بالخير يابو فيصل وشكل اللغز انتهى

صبّحتي بالنور ياهمس

اللغز لازال ياهمس

هاتي مالديكـ

[شاعر الحرية]

وعليكم السلام ورحمة الله
صح لسانك يبو فيصل .. أنا أشهد إنك رجالا ما تنطفي ناره
عساك على القوة .. والله لا يحرم المنتدى من الرجال المطاليق شرواك

و لكن مثل ما قلت لك .. ألغازك صارت سهلة ما هي العادة يبو فيصل
فيبدو عزيزي فهد ما فقع وجه اللغز وبس
إلا فقع وجهه و حطم ظهره وفجر النخاع المستطيل ودمر النخاع الشوكي .. شلل كامل

[{ أبوفيصل }]

المشاركة الأصلية كتبت بواسطة شاعر الحرية وعليكم السلام ورحمة الله صح لسانك يبو فيصل .. أنا أشهد إنك رجالا ما تنطفي ناره عساك على القوة .. والله لا يحرم المنتدى من الرجال المطاليق شرواك و لكن مثل ما قلت لك .. ألغازك صارت سهلة ما هي العادة يبو فيصل :sniper (5): فيبدو عزيزي فهد ما فقع وجه اللغز وبس إلا فقع وجهه و حطم ظهره وفجر النخاع المستطيل ودمر النخاع الشوكي .. شلل كامل

صح بدنك ياصاحبي والله يحيييك ويبقيك .. تسلم يالقرم شرواك الطيب

انت تشوف !! ربما يكون المشكله بأسترسالي المتواصل واصدار الألغاز المتواليه
دون النظر في تعقيد حبائله .. مدري يمكن ايه يمكن لا ،،
لكن أوعدكم بالتريّث والتمعّن في اصدار جديد لايشق له غبار

رغمٍ أن هذا اللغز ياعزيزي لازال في عنفوان شبابه وبصحه جيده لم يُصب عينه بأذى

[فهد الماو]

والقلم والكتابه يأبو فيصل والله أشوف أنها راكبه والعلم عندك

[{ أبوفيصل }]

المشاركة الأصلية كتبت بواسطة فهد الماو والقلم والكتابه يأبو فيصل والله أشوف أنها راكبه والعلم عندك

الحقيقه يافهد انت بهذه العقليه الفذه ماشاء الله عليك مكسب للمنتدى كله
فما بالك هذا القسم ، ذكّرتني رفيقٍ الله يحفظه ويحفظك ما ادري وين غاب الله يرده سالم

رمعاتك كلها خطيره ولا لك لوا

[فهد الماو]

إعلم يقينا يأبو فيصل أن الدافع لتواجدنا بهالمنتدى هو الرجال الذي مثلك وشرواك الذين نتشرف بتواجدنا بينهم ونتعبر ذلك هو مكسبنا الحقيقي وماعليك زود ياطويل العمر لاهنت

واللغز جاري التفكير والله بلشت به لكن الربع فيهم الخير والبركه