قصيدة للشاعر الأعلامي الرائع : ناصر النفيعي

[{ أبوفيصل }]

موجهةً للشاعر المحبوب : سداح
.

[poem=font="traditional arabic,6,black,bold,normal" bkcolor="burlywood" bkimage="" border="double,9,black" type=2 line=1 align=center use=ex num="0,black""]
انا لي صاحبٍ قفّت ركابه قبل عام احدور =وانا من عادتي مااصلب خوييي بالمصاليبي
ذكرت ايامنا وافعالنا وفراقنا المشهور =وفزعتنا ونخوتنا وكثر امزارق الطيبي
وأمانينا وأغانينا لغنّينا سوى المجرور =لساقتنا طوارينا نعدّي فالمراقيبي
ودارت دورة الدنيا وبان الخافي المستور =وشانت نية أصحاب الردى والشك والريبي
سرى الرعاد والبراق في ليلٍ شعاه النور =ولا يذكر مطر بالغيث سيّل طارف شعيبي
تكض صدور ياسدّاح بالغيض وتغيض صدور =تبين الشمس من قبل امس فوق الارض وتغيبي
بعد كثروا ورود العد ياكثر الضمايا صدور =شفت الدلو ميّاحه مافيه الاّ الغثاريبي
من الشرهات يادكتور والله ماانته بمعذور =وانا اعنز شرهتي فوق الاصايل شمّخ النيبي
انا منهي بحال وحال ثاني مجبر ومامور =افر المسبحه وأومي بها والشوق يومي بي
اما عندك دواء للاكتئاب يفيد يادكتور =ترى الدكتور يصرف وصفته للجرح ويطيبي
وترى ماكل دكتورٍ يقولون العرب مشكور =طبيبٍ يفرق بحبه وطبه فالاطابيبي
طبيب الجرح اعرفه زين لقر للقرير اقرور =اذا مدحه يعذربني هلا ياأغلى عذاريبي
مثل سداح والله ماعليّ ولا عليه قصور =من ايام النبي نوح ورسول الدعوه شعيبي
عريب الساس معرب مادخل بالعرض فالطابور =بعد جاء فالعرب العاربه عربان وعريبي
طبيعي لو تعلى واعتلى قمة سنام الكور =مااخذ ذكره واخذ صيته من امجاد المعازيبي
حلال القوم راتع فالربيع مضحّي ومقهور =ورعيّه مالها راعي عشاء للطير والذيبي
مشاعيب البدو كثرت وهذا حربها المذكور =اثر حرب النجوم يهون مع حرب المشاعيبي
بوسط الدائرة راع الدواير كل يوم يدور =وقبل الثانية تكمل يودي علم ويجيبي
توقع فوق غصن الشجره طيور وتطير طيور =مداقيم الدناقير ومعاكيف المخاليبي
ترى الرجّال ياسدّاح مايعذر ببعض اومور =خطا يدمح وبعض اخطاء صراحة دمحها عيبي
وترى مانته لحالك من يبا يقرب بنات الحور =لكن الحور جاء من دونهن لزم التلابيبي
وانا مااقول غير الله يعز البيرق المنشور =وبكره صبح ياسدّاح يصفن المشاريبي
[/poem]

.

.

[ـآلبتـول]

عريب الساس معرب مادخل بالعرض فالطابور
بعد جاء فالعرب العاربـه عربـان وعريبـي
طبيعي لو تعلى واعتلى قمة سنـام الكـور
مااخذ ذكره واخذ صيته من امجاد المعازيبـي



معنى قيم لقصيدك
جميله وجدا ..
يسسلمو بو فيصل لاعدم
؛،’

[{ أبوفيصل }]

المشاركة الأصلية كتبت بواسطة شمآليه عريب الساس معرب مادخل بالعرض فالطابور بعد جاء فالعرب العاربـه عربـان وعريبـي طبيعي لو تعلى واعتلى قمة سنـام الكـور مااخذ ذكره واخذ صيته من امجاد المعازيبـي معنى قيم لقصيدك جميله وجدا .. يسسلمو بو فيصل لاعدم ؛،’

تسلمين ومشكوره على مرورك العاطر

لكن القصيده للشاعر الاعلامي / ناصر النفيعي
ولاّ انا ببطي ماجبت لي قصيدة بمستواها

[عبدالعزيز بن حشيان]

ابو فيصل


تسلم يمينك على النقل وصح لسان ناصر النفيعي

تقبل مروري ووافر شكري

[البعير]

ونعم

[قروب]

صح لسانك

[الطير الاشقر]

صح لسان ابن العم ناصر النفيعي
واشكرك اخوي ابو فيصل على اختياراتك المميزه والجميله