[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
خلوني اخذلي من الشعـر طـاروق=يبعد عن القلب الحزيـن الهمومـي
قلبٍ من الدنيا مغربـل ومحـروق=واليـا عذلتـه ماتفيـد العلـومـي
دنيا تقلب بيـن سابق ومسبوق=وايامهـا لصحابـهـا ماتـدومـي
اليا اقبلت تنبتلك الارض زملـوق=واليا ادبرت قامت تشن الهجومـي
كم ضاع فيها من مقامات وحقـوق=ماتغـدر الا الطيبيـن القـرومـي
دنيا تحدانا وتضهـر لنـا البـوق=وتحدنـا مابيـن بـرد وسمومـي
ياالله يالـي معتلـي بسمـا فـوق=ياواحد بامرك تصيـب السهومـي
اطلبك مبغا عون من عند مخلـوق=ياخالـق دايـم بخلقـه رحـومـي
اجعلنا في دربنـا خيـر ووفـوق=وحضٍ مع احضوض النشاما يقومي
الناس والايـام لاحق وملحوق=في وسط حربٍ مثل حرب النجومي
احدٍ خسر واحدٍ كسب داخل السـوق=واحـدٍ يسيرهـا لغيـر اليمومـي
يالادمي لاتسهر الطـرف والمـوق=وافطن لقلبـك لاتجيـه الوهومـي
الله هو الـرزاق والعبـد مـرزوق=والنـاس لازم تقتنـع بالقسومـي
ماكل مزن فيـه رعـاد وبـروق=يملا من الما مظميـات الحزومـي
[/poem]
| 
|
09-06-2012, 11:43 AM
العرض المتطور
