(( الطيب ينسب له وهو ينتمي له )) اهداء لـ محمد بن مطحس المسعري الدوسري

[رشيد الكسر]

السلام عليكم ورحمة الله وبركاته
اسعد الله جميع اوقافتكم بكل خير ومسره ،

وهذه المتواضعه اهداء للنقيب / محمد بن مطحس المسعري الدوسري

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
انـداش بالـي للمثايـل وغنيـت =واترك هزيل القاف وآخذ جزيله
الشعر في مدح الرجـال النعاتيـت =ينساق قافـه مايبـي لـه وسيلـه
وابو فهد من روس قومٍ لهم صـيت =الطيب ينسب له وهو ينتمـي لـه
دواسرٍ يوم اشهب الـلال يابخيـت =يروون سلات السيـوف الصقيلـه
بيومٍ مثـل يـوم الدفينـه وحليـت =كـم راس شيـخٍ نزلـوه بشليلـه
وسم العصا ينبيك عنهم ليا اخطيت =دخيلهـم محـدٍ يفـكـر يجيـلـه
واهل الشحم والعود الازرق ليا جيت =اهل الصفـات النـادرات الجميلـه
راع الوفاء والطيب قول وتثابيـت= يمناه من فـوق اليمانـي طويلـه
عسـاه فالدنيـا سعيـدٍ تمنـيـت= سيّـور بقعـاء جعلهـا ماتزيـلـه
حييـت ياقـرم الرياجيـل حييـت =تستاهل اللي فـوق متنـك تشيلـه
تمت وصلـوا عـد ماولّـع الليـت =واعـداد ماغنـى الحمـام بهديلـه
على شفيع الخلق صفوة هل البيـت =نبينـا الهـادي لنشـر الفضيـلـه
[/poem]

وسلامتكم

ووصلني المردود بقصيده اخرى يقول فيها

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يامرحبا مايصدح الورق باصوات = على مهاديب الغصون الظليله
برسالةٍ من صوب راع الوفا جات = يامرحبا باقبالها واللي هي له
تحوي عبارات الضمير الفريدات = من خاطرٍ فالشعر يخلا سبيله
له في مجاله فعل ماضي وبصمات = لبّ المعاني شاربٍ سلسبيله
وان جاء مجال الطيب مابه مراوات = يطلع سنام المرجله من حصيله
وين الغرابه والامور العجيبات = دامه حفيد امعربين النسيله
ذباحة الحايل عصورٍ قديمات = ولطامة العايل بحيلٍ وحيله
ستر العذارى والوجيه العفيفات = ربات خدرات العيون الكحيله
صبيهم ينطح من القوم غارات = دام الشبا في مقضب ايده يشيله
عتيبه الهيلا كبار الطموحات = ماهي عليهم حاجةٍ مستحيله
يشهد لها التاريخ مجد وبطولات = والله ونعمٍ بالنبا والقبيله
اقولها واثق خطاوي ونظرات = غني بها ياورق فوق الطويله
[/poem]

وسلامتكم

وجاريت قصديته بهذه الابيات

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
جتني بيوتٍ بالمعاني جزيلات = من شاعرٍ بالشعر يوفي بكيله
فيها من الريحان والمسك نفحات= والزعفران مخالطه ريح هيله
يالدوسري للطيب فيكم علامات = ولكم على روس الشواهق دليله
خطلان الايدي ياكبار المقامات = ياللي بكم كل المعان النبيله
للطيب مابين الرياجيل وقفات = مليون نعم ولاتسدك قليله
ماقلتها اجامل ولااريد حاجات = الحق حق ومخطي الحق ويله
[/poem]

وسلامتكم

رشيد بن شعيفان الكسر

[وجودك يكفي]

عليكم السلام ورحمة الله وبركاته

ونعم فيك وفي النقيب محمد بن مطحس الدوسري


صح لسانك ياشاعرنا القدير وبيض الله وجهك



احترامي

[بنت امير]

آبيآات مميزهـ و رآقيه في معآانيهآا
احترامي

[الصهد]

وعليكم السلام ورحمة الله وبركاته
والله يسعد مساك وصباحك بكل خير اليوم ودوم
وصح لسانك ولسان الدوسري وبيض الله وجيهكم
قصائد وافيه يالوافي دمت بخير

[رشيد الكسر]

المشاركة الأصلية كتبت بواسطة الصهد وعليكم السلام ورحمة الله وبركاته والله يسعد مساك وصباحك بكل خير اليوم ودوم وصح لسانك ولسان الدوسري وبيض الله وجيهكم قصائد وافيه يالوافي دمت بخير

الصهد
صح بدنك ولاهنت على مرورك العطر
كل التقدير والاحترام

[رايـق]

ونعم في المادح والممدوح ..

ومراسلة جميله وقصائد جزله

صحت السنتكم

اخوي

رشيد الكسر

[رشيد الكسر]

المشاركة الأصلية كتبت بواسطة رايـق ونعم في المادح والممدوح .. ومراسلة جميله وقصائد جزله صحت السنتكم اخوي رشيد الكسر

رايق

ماعليك زود طال عمررك ولاهنت على مرورك الرائع

صح بدنك والجميل هو وجودك بمتصفحي

حياك الله

كل التقدير والاحترام

[هتلر عتيبة]

قـصــائـد جــمــيــلــه


يــعــطــيـكـ الـعـافــيــه

وصــح لـــسـانـكـ

..خــــالــص الــود..

[رشيد الكسر]

المشاركة الأصلية كتبت بواسطة هتلر عتيبة قـصــائـد جــمــيــلــه يــعــطــيـكـ الـعـافــيــه وصــح لـــسـانـكـ ..خــــالــص الــود..

هتلر عتيبه

الله يعافيك ولاهنت على مرورك وصح بدنك

كل التقدير

[اصايل]

قصايد وافيه

صح لسانك الكسر

لاهنت