حملة ( الباقي علكة ) و ياعزّتيلك يالنص

[مامثلي أحد]

-






في الفيس بوك تم إطلاق حملة ( الباقي علكه ) لمحاربة ظاهرة موجودة لدى أصحاب المتاجر
و لإعادة الهيبة للعملات المعدنية السعودية التي يستبدلونها بالعلكة

صاحبة الحملة هي مشاعل الشبيب التي " لاترى المشكلة في الباقي أو العلكة و إنما
في أسعار السلع التي تضاف إليها هللات وليس لها تداولاً .. وهنا تبدأ المطالبة بتعديل
ثمن السلعة بما هو متوفر من العملات النقدية الورقية " ..



من جهة ثانية ..

اشارت مسئولة في مجلس اداره باطوق أن العوائد السنويه لشركتها وصلت نحو 94 مليون ريال
جراء استبدال العملات بالعلك فقط ..
يعني 94 مليون ريال من جيب المستهلك من الهللات اللي حنّا ما نشوف أهميه في استرجاعها



من خلال هالحملة ..

أقتراحك للهلات المسلوبه ..
هل تستبدل بدل النص سلعة لست بحاجتها كالعلكة أو الشيكولاه
أم تصر على أخذ حقك << يقدّر الهلل
علماً أن مشترواتك اليومية تحتوي على كميات هائلة من السلع المضاف إلى سعرها الهللات ؟



ماهو الحل برأيك لمسألة هذه الهللات ؟
أحدى عضوات حملة ( الباقي علكة ) اقترحت بطاقه ممغنطة لجمع الهللات المتبقيه
واستخدامها فيما بعد ..
هل الحل مناسب برأيك ؟ أو أنها شغلة مالها داعي و العلك أريح ؟



تمسّوا على خير




-

[اصايل]

قواك الله اللحيه الغانمه ..... اطلدز لقب




/


البارح رايحه للصيدليه وماحسبت قيمة اغراضي كالعاده ............. من زود البطره

المهم جيت بطلع لين الصيدلي يناديني واحسبني ناسيه شين مهم ويوم تعينت لينه يفرس له علبة علك

ويقص لي منها ثنتين هههههه يعني من نفس شريط العلك تقول حبوب

ناظرت فيه قلت لاتعبت هع

مناديني الاجودي مايبي النص يقعد في ذمته :)

لابغيت الصدز انا اشوف انه يكون في صندوق تبرعات في كل محل والانصاص والهلالات لو سمح راعيها

تنحط فيها ... بالضبط مثل بنده

لكن ياترى هل هم بيكونون امينين وذمتهم بريئه ؟؟ عاد هذا بينهم وبين ربي ...... جاوبت على نفسها :)

اشارت مسئولة في مجلس اداره باطوق أن العوائد السنويه لشركتها وصلت نحو 94 مليون ريال جراء استبدال العملات بالعلك فقط

اما باطوق اغتنوا بسبب علك .. افكرافتح بسطة علوك ارب اني انافسهم


لاهنت ماامثلك احد

مواضيعك دايما مميزه وتشدني

سلمت

[مامثلي أحد]

-

المشاركة الأصلية كتبت بواسطة اصايل قواك الله اللحيه الغانمه ..... اطلدز لقب /

هلابك أصايل
حياك الله

البارح رايحه للصيدليه وماحسبت قيمة اغراضي كالعاده ............. من زود البطره المهم جيت بطلع لين الصيدلي يناديني واحسبني ناسيه شين مهم ويوم تعينت لينه يفرس له علبة علك ويقص لي منها ثنتين هههههه يعني من نفس شريط العلك تقول حبوب ناظرت فيه قلت لاتعبت هع مناديني الاجودي مايبي النص يقعد في ذمته :) لابغيت الصدز انا اشوف انه يكون في صندوق تبرعات في كل محل والانصاص والهلالات لو سمح راعيها تنحط فيها ... بالضبط مثل بنده لكن ياترى هل هم بيكونون امينين وذمتهم بريئه ؟؟ عاد هذا بينهم وبين ربي ...... جاوبت على نفسها :)

أقتراح جميل وهو وضع صندوق للهللات المتبقية والتبرع بها للجمعيات الخيرية
في حال موافقة المستهلك .. لكن في حالة المستهلك يريد الباقي وبنفس الوقت
لايوجد تداول للعملات النقدية الآن .. ليه نضيف كسور لقيمة السلع ؟
هذا هو السؤال ؟

اما باطوق اغتنوا بسبب علك .. افكرافتح بسطة علوك ارب اني انافسهم

94 مليون بالسنة هذي بس عشان استبدال العملات بالعلك .. من غير المبيعات
تراني شريك أنا براس المال .. و أنت بالجهد .. أقعدي بالبسطة ولا تجيبين معك لاب توب عشان
عتيبه ثم تنكبين تجارتنا

لاهنت ماامثلك احد مواضيعك دايما مميزه وتشدني سلمت

ولا هان غاليتس أصايل
ألف شكر ..
تسلمين



-

[وجودك يكفي]

اعتقد المشكله هذي مالها حل والمستهلك لازم ياخذ علك الله لايهينه . والسبب لأن اصحاب المحلات مايرغبون في إجاد حل .



لاهنت ياللحيه الغانمه والله يعطيك العافيه على الطرح


احترامي

[مامثلي أحد]

-

المشاركة الأصلية كتبت بواسطة وجودك يكفي اعتقد المشكله هذي مالها حل والمستهلك لازم ياخذ علك الله لايهينه . والسبب لأن اصحاب المحلات مايرغبون في إجاد حل . لاهنت ياللحيه الغانمه والله يعطيك العافيه على الطرح احترامي

أهلاً الرائع وجودك يكفي
الحل بتكاتف الجهود بين وزارة التجارة و إدارات التسويق للشركات بحيث
تصبح أسعار المنتجات خاليه من الكسور بهذا لن يكون هناك باقي ونضطر لأخذ العلكة ..

شكراً



-

[ليزر]

شكرا علي الموضوع الحل في نظري ان الباقي دبر نفسك باي شي عندك في المحل او جمع هللات عند صاحب المحل وخذ بعدها بمبلغ شي مفيد اتمني يكون لها حل صراحه اقرب شي دور علك ووسع الصدرههههههه ياماراح هللات بس مادام فيه سواليف من اليوم اجلس صح لهم بالهللات وان شاء الله94 مليون ههههههههههه ربي يوفقك ويسعدك

[مامثلي أحد]

-

المشاركة الأصلية كتبت بواسطة ليزر شكرا علي الموضوع الحل في نظري ان الباقي دبر نفسك باي شي عندك في المحل او جمع هللات عند صاحب المحل وخذ بعدها بمبلغ شي مفيد اتمني يكون لها حل صراحه اقرب شي دور علك ووسع الصدرههههههه ياماراح هللات بس مادام فيه سواليف من اليوم اجلس صح لهم بالهللات وان شاء الله94 مليون ههههههههههه ربي يوفقك ويسعدك

أهلاً بصديقي الجميل
أن تطالب بالنص فهذا من حقك ومن حق أي أحد أن يطالب بماله ولن يلومك إلا أحمق ومغفل
هناك ناس يحرصون على الربع و على الهلل وعلى مبالغ أقل من النصف ريال .. وهذا هو الصحيح !

لك السعادة والتوفيق يابعد حيي ..



-

[تباريح الروقي]

برئي يفكونا من ابو نص مررة وحدة عشان لا صاحب المحل يبلش ولا حنا نخسر

ههههههههههههههههههههههههه...>>امزح

والله ياخوي... اول كان نستفيد من الهلله.. او العملة الحديديه.. الحين اصبحت هالعملة اصلا ماتحصل

عند..صاحب المحل او البائع.. اذكر قبل كان يوجد في درج البقاله درج مخصص لها العمله من الهلله الى القرش>>عجييز الاخت ولكن في بعض السوبر ماركت الكبرى

<<بدون ذكر ياخذون النص من غير علمك.. على اساس انهم يجمعونة للجمعيات الخيريه

<<< هذا موقف حصل اليوم قدامي حين سال المستهلك الكاشير وين النص


قال بناخذة ونحطه في الصندوق ونتبرع فيه<<قال انا طلبت ولا وافقت<<؟؟!! تغير طبعا وجه البائع


فابصراحة.. النص في نظري ... تشتري فيه العلكة افضل من انه يروح عليك

تقبل مروري\دومتم بصحة وعافية

[مامثلي أحد]

-

المشاركة الأصلية كتبت بواسطة تباريح الروقي برئي يفكونا من ابو نص مررة وحدة عشان لا صاحب المحل يبلش ولا حنا نخسر :sniper (9): ههههههههههههههههههههههههه...>>امزح والله ياخوي... اول كان نستفيد من الهلله.. او العملة الحديديه.. الحين اصبحت هالعملة اصلا ماتحصل عند..صاحب المحل او البائع.. اذكر قبل كان يوجد في درج البقاله درج مخصص لها العمله من الهلله الى القرش>>عجييز الاخت:sniper (54): ولكن في بعض السوبر ماركت الكبرى <<بدون ذكر ياخذون النص من غير علمك.. على اساس انهم يجمعونة للجمعيات الخيريه <<< هذا موقف حصل اليوم قدامي حين سال المستهلك الكاشير وين النص قال بناخذة ونحطه في الصندوق ونتبرع فيه<<قال انا طلبت ولا وافقت<<؟؟!! تغير طبعا وجه البائع فابصراحة.. النص في نظري ... تشتري فيه العلكة افضل من انه يروح عليك تقبل مروري\دومتم بصحة وعافية

أهلاً الزميلة العزيزة تباريح
البطاقة الممغنظة الحل المثل في حال عدم توفر العملات المعدنية ومن يريد التصدق بالباقي
فأماكن الصدقة معروفة ..

شكراً

-

[أسد الهيلا]

يعطيك العافيه