الجبال

[ليزر]

الجبال اللي تزحزح ما تزيح
و الغصون أدنى هبوب تزولها
اعتنز على جبل و لا تطيح
الجبال تذرّي اللي حولها
و الصراحة مزعجة و أنا صريح
تزعجك ما تزعجك بآقولها
شاعرٍ موهوب و لساني فصيح
و سابحٍ عرض البحور و طولها
و الأفاعي روسها تندح نديح
و العقارب سمّها في ذيولها
ما على الدنيا ضميرٍ مستريح
كل خلق الله تعن خيولها
ذا يون و ذا يحن و ذا يصيح
و ذا يخطّف راسها و رجولها
و الشعر .. هذا قبيح و ذا مليح
و كلبوها ساريٍ مفعولها
اجلد القبيح في وجه القبيح
و قول وش رايك؟ و أقول أصولها
و إلا أنا ما قد مدحت إلا المديح
الجمال اللي تشيل حمولها
و الصراحة مزعجة و أنا صريح
تزعجك ما تزعجك بأقولها
و إلا تدري ما يصح إلا الصحيح
خاطب العالم بقد عقولها .

[وجودك يكفي]

صح لسان الشاعر الكبير سلطان الهاجري ولاهنت ياليزر على الإخيتار والنقل المميز



ينقل الموضوع لقسم الشعر المنقول


اخوي ليزر لاهنت ارجوا منك كتابة اسم الشاعر في نهاية كل قصيده وارجوا منك ايضاً طرح القصائد المنقوله في القسم المخصص لها . هذا رابع موضوع لك يتم نقله من القسم العام إلى قسم الشعر المنقول




احترامي

[اصايل]

خاطب العالم بقد عقولها .


صح لسان الهاجري

وصح ايرادك

لاهنت

[بنت امير]

اجلد القبيح في وجه القبيح


راق لي طرحك الف شكر لك