مهـــــرة الميدان !!!

[جابر الثبيتي]

السلام عليكم ورحمة الله

أسعدكم الله دنيا وأخرة

عقب غياب طال اليكم هذه الأبيات علها تروق لكم


[poem=font="simplified arabic,6,indigo,bold,italic" bkcolor="transparent" bkimage="backgrounds/7.gif" border="ridge,4,silver" type=2 line=0 align=center use=ex num="0,black""]
تقول أنت صقري كلمةٍ(ن)هزت الوجدان=وهزت لطاروق الطرب ثم غنيته
ياحلو الكلام اللي يجيني من الفتنان=فتني بزينه عقب منطوقٍ(ن)اوحيته
تربع على عرش المشاعر لها سلطان=يحرك جنوني كل ما قلت:ياليته
يحس بغرامي والهوى يحكم الإنسان=يطوعه للمحبوب لو ينخرب بيته
الا يابعد عمري غرامك عقل بجنان=وباب العذارى عقب جيتك سديته
تربع على قلبي وصكه عن النسوان=ترى القلب قبل تجيه بالبيض عنيته
أدور لمن تقدر تقفل له البيبان=وخابت ظنوني بكل منهو توريته
وذا لحين جاك الدور يا مهرة الميدان=توليه وإلا عذري من ذرا بيته
ترى ما يكفيني كلامٍ(ن)حلو بلسان=بعد تجربة عمرٍ(ن)مع العشق سجيته
أبيها فعولٍ(ن)واقعية لها برهان=على شأن أوقع لك على فعل سويته
ترى كل ماهو فات في سالف الأزمان=عجز لا يطوع قلبي اللي توليته
لو إن عرفت أشكال في دنيتي والوان=لكنه قصر عن شيء فيني تمنيته
أنا فارسٍ(ن)ماني كما باقي الفرسان=وأبي مهرةٍ(ن)تصهل بسرجٍ تعليته
ليا شاقها الميدان وأرخيت شد عنان=تسابق هبوب الريح ياكود كضيته
وهذي وصوف اللي تروق صلف خرمان=ياشاهينتي صقرك عتيبي وله صيته
على قمة الأمجاد تشهد لي العربان=ولو السماء يناش حشمه تعديته
نهاية كلامي لعنة الله على الشيطان=ويارب تغفر ذنب شعرٍ(ن)توطيته
تراها سوالف شاعرٍ(ن)يتبع القيفان=ليا زان لي طاروقها قمت حليته
وأسبح لربي وأسجد لواحدٍ(ن)رحمن=وفرضي ليا منه حضر قمت صليته
[/poem]

[مهـرة مـطير]

صح لسانك ي شآعرنآ جــابــر

لاهنت عالقصيده الرائعه

[جابر الثبيتي]

المشاركة الأصلية كتبت بواسطة مهـرة مـطير صح لسانك ي شآعرنآ جــابــر لاهنت عالقصيده الرائعه

صح بدنك ولا هنتي


سعدت بحضورك العطر

[وجودك يكفي]

ههههههه صح لسانك واعتلى شانك ياعقيد الفرسان

احترامي

[جابر الثبيتي]

المشاركة الأصلية كتبت بواسطة وجودك يكفي ههههههه صح لسانك واعتلى شانك ياعقيد الفرسان احترامي

صح بدنك ولا هنت


تقديري

[سحابه]

صح بوحك
ابيات رااائعة

ودي

[جابر الثبيتي]

المشاركة الأصلية كتبت بواسطة سحابه صح بوحك ابيات رااائعة ودي

صح بدنك ولا هنتي

تقديري

[اصايل]

صح لسانك ..

لاهنت

[جابر الثبيتي]

المشاركة الأصلية كتبت بواسطة اصايل صح لسانك .. لاهنت

صح بدنك لا عدمتك